29нчы мартта депутатлар дәүләт Советының 52 нче утырышына җыела.
Көн тәртибендә 20 сорау. Шуларның 9ы республика закон проекты 1нче укылышка әзерләнгән. Халык тарафыннан сайланучылар узган елгы эш буенча Татарстан Фәннәр академиясе хисабын, Иҗтимагый палата башлыгының һәм балалар омбудсмены докладларын тыңлый. Парламентарийлар автомобиль юлларына, мәгарифкә, физкультурага һәм спортка кагылышлы гамәлдәге законнарга үзгәрешләр кертергә ниятли.
Парламент комитетлары утырышка үз закон проектларын әзерләде. Гомуми карар белән депутатлар күрше төбәкләр белән чикләрне ачыкларга, «Мәгариф турында» гамәлдәге законны төзәтергә, шулай ук бала хокуклары буенча вәкаләтле вәкилнең еллык докладын сессиядә игътибар белән тыңларга тәкъдим итә.
Мәгариф, мәдәният, фән һәм милли мәсьәләләр комитеты һәм профильле эксперт советы депутатлары республика Фәннәр академиясендә күчмә утырыш үткәрде. Төп мәсьәлә — фәнни учреждение эшчәнлеге турында хисап әзерләү. Татарстан Фәннәр академиясе президенты Рифкать Миңнеханов сүзләренә караганда, бүген составта Академиянең 54 хакыйкый әгъзасы һәм 7 фәнни бүлек буенча гомуми җыелыш сайлаган 59 корреспондент эшли. Алты фәнни-тикшеренү институты һәм ике үзәк актив эшли.
