Саратов шәһәрендә Идел буе закон чыгаручылар ассоциациясенең чираттагы утырышы Махсус хәрби операциядә катнашучыларга һәм аларның гаиләләренә ярдәм итүгә багышланган иде. Мәсьәләне һәрьяклап карадылар — парламент башлыклары төбәк тәҗрибәсе белән уртаклашты. Төп утырышка кадәр бу теманы төбәкләрнең Яшьләр парламентлары җитәкчеләре тикшерде. Алар шулай ук волонтёр үзәкләре ничек эшләүләре һәм яшьләр арасында киберэкстремизмга ничек каршы торулары белән уртаклашты.
Бу атнада 15нче февральдә парламентарийлар Дәүләт Советының 51нче утырышына җыела.
Депутатлар 30дан артык мәсьәләне карарга планлаштыра, шул исәптән 11 республика закон проектын. Алар дәүләт һәм муниципаль хезмәт, җирле үзидарә, адреслы социаль ярдәм турындагы гамәлдәге кануннарга кагыла. Фәрит Мөхәммәтшин хезмәттәшләрен бу елның зур халыкара чараларына җитди әзерлеккә чакырды. Казанда «Киләчәк уеннары», «Россия — Ислам дөньясы: KazanForum» унбишенче икътисадый форумы, БРИКС илләренең спорт уеннары, БРИКС дәүләтләре башлыклары саммиты, «РОСТКИ: Россия һәм Кытай — үзара файдалы хезмәттәшлек» халыкара форумы узачак.
….
Сессиягә кадәр депутатлар карау өчен закон проектларын әзерләгән парламент комитетлары утырышлары узды. «Мәрхәмәт — Милосердие» хатын-кыз депутатлар берләшмәсе әгъзалары яшь галимнәргә ярдәм итү турында сөйләде, ә республика Иҗтимагый палатасында алда торган сайлауларны күзәтү буенча сәяси партияләр вәкилләре белән хезмәттәшлек итү турында килешү имзаланды.
Узган атнада илдә фән көнен билгеләп үттеләр. Казан фәнни-тикшеренү техник университетында «Мәрхәмәт — Милосердие» Дәүләт Советы хатын-кыз депутатлары утырышы узды.
Анда парламентарийлар Татарстанда яшь галимнәргә дәүләт ярдәме чаралары турында фикер алышты. «Фән һәм университетлар» милли проекты аша Татарстанда яшь галимнәргә ярдәм итәләр. Федераль программа яшь галимнәр җитәкчелегендә яңа лабораторияләр челтәре җәелдерелгән. Күрелгән чараларның нәтиҗәлелеге — республикада яшь тикшеренүчеләр саны 4,5 мең кешегә җитте. Соңгы биш елда милли проект чараларын гамәлгә ашыруга Татарстанда 12 млрд сумга якын акча җәлеп ителгән. Акчалар, шул исәптән, тикшеренү эше һәм югары уку йортларының алдынгы инфраструктурасы өчен беренче класслы шартлары булган алдынгы инженерлык мәктәпләре, фәнни үзәкләр булдыруга җибәрелә.
Республикада массакүләм спортны үстерү мәсьәләләре турында социаль сәясәт комитеты утырышында сүз барды.
Депутатлар Бөтенроссия спорт проектының шәхесне һәрьяклап үстерүдәге һәм яшьләрне генә түгел, төрле яшьтәге кешеләрне дә патриотик тәрбияләүдәге зур ролен билгеләп үттеләр. Утырыш эшендә Дәүләт Советы Рәисе урынбасары Юрий Камалтынов һәм Дәүләт Думасы депутаты Татьяна Ларионова катнашты.
Дәүләт Советы депутаты Эдуард Шәрәфиев Батырлык ордены белән бүләкләнде.
Хәзерге вакытта ул махсус хәрби операциядә катнаша. Эдуард Шәрәфиев хәрби бурычларны үтәү барышында үзенең шәхси батырлыгы өчен дәүләт бүләгенә лаек булды. Россия Оборона министрлыгының Ирекле Корпус сугышчыларын бүләкләү махсус хәрби операция зонасында узды.
«Татарстан — казанышлар республикасы» автобус марафоны республикабызның көньяк-көнчыгышында хәрәкәт итә башлый. Беренче булып – Баулыда туктала. Татарстан һәм Россиянең узган 5 елдагы казанышлары турында сүз бара. Акциядә Россия Дәүләт Думасы һәм Татарстан Дәүләт Советы депутатлары катнаша. Узган атнада марафон Идел аръягында — милли проектларны гамәлгә ашыру турында тулы мәгълүмат алу өчен актив җыела торган Чүпрәле һәм Буа районнарында булды.
Әлеге фотокүргәзмә узган елларда республикада барлыкка килгән — иҗтимагый киңлекләр төзекләндерелгәнен, цифрлаштыруың төрле өлкәләрдә киңәйтелгәне, вакытыннан алда ачылган М-12 трассасы һәм Идел аша яңа күперне тасфирлый. Болар барысы да 2018нче елда Россия Президенты Владимир Путин башлап җибәргән милли проектлар ярдәмендә эшләнә.
Федераль һәм республика программалары районга күп бирелде. Бу яңа юллар һәм фельдшер – акушерлык пунктлары, яңартылган Үзәк район хастаханәсе һәм мәктәпләр, яшьләр өчен спорт үзәкләре.
Икенче көнне марафон эстафетасын Буада кабул иттеләр. Анда Дәүләт Думасының Милләтләр эшләре буенча беренче урынбасары Илдар Гыйльметдинов, Дәүләт Советының Законлылык һәм хокук тәртибе комитеты рәисе Шакир Яһудин һәм район башлыгы Ранис Камартдинов катнашты. Биредә күп кенә федераль һәм республика программалары гамәлгә ашырыла. «Казан-Ульяновск» автомобиль юлында Карлы елгасы аша салынган күперне реконструкцияләү төгәлләнгән. 3 километрга якын юл ремонтланган. Мәктәпләр ремонтланган, үзәк хастаханә поликлиникасы яңартылган. Шулай ук биредә 14 ишегалды территориясе төзекләндерелгән һәм күп фатирлы 5 йортка капиталь ремонт ясалган.
Буа драма театрының яңа бинасы район халкының аерым горурлыгы булып тора. Ул «Мәдәният» милли проекты ярдәмендә барлыкка килә. Шулай ук Кырык — Садак авылында 100 урынга исәпләнгән күпфункцияле мәдәни үзәк төзелгән. Очрашу барышында кунаклар — милли проектларны гамәлгә ашыру нәтиҗәсе турында сөйләде.
Бу атнада автобус туры республика буйлап сәяхәтен дәвам итә.
