Узган атна сәяси яктан да вакыйгаларга бай булды. 21 февралдә ил Президенты Владимир Путин Федераль Җыенга мөрәҗәгать итте. 23 нче февралдә Ватанны саклаучылар бәйрәме үтте. Алтынчы чакырылыш Татарстан Дәүләт Советының кырык беренче утырышы узды.
Бу һәм башка сәяси темалар турында парламент хәбәрләрендә. Алар белән Алия Галиуллина таныштырыр
Республиканың хокук саклау органнары тарафыннан 2022нче елда 25 меңнән артык җинаятьчел һөҗүм ачылган. Парламентарийлар алдында хисапны полиция хезмәткәрләре тотты. Республикада Кеше хокуклары буенча вәкаләтле вәкиле узган елга йомгак ясады. Утырыш Владимир Путинның Федераль Җыенга юлламасы һәм махсус операция темасы буенча фикер алышудан башланды.
Узган атнада Дәүләт Советы депутатлары Ватанны саклаучылар көнен бәйрәм итүдә актив катнашты, республика районнарында хисап сессияләрендә булдылар, Парламентта күренекле нефтьче Генадий Шмаль китабын тәкъдир иттеләр.
…..
Мобилизацияләнгән гражданнарга, эшмәкәрләргә, төзелеш индустриясенә һәм икътисадның башка тармакларына җитди законнар белән ярдәм итү мөһим. Дәүләт Думасы депутатлары ярдәме белән тиешле карарлар вакытында кабул ителгән, бу узган ел нәтиҗәләре буенча тулы бер юнәлешләрне саклап калырга мөмкинлек бирде.
Депутатлар, министрлар, сәяси партия вәкилләре Россия Президенты Юлламасы турында фикер алыша. Сәрия Сабурская — шәхсән Гостиный Дворда булучыларның берсе буларак үз фикерләре белән уртаклашты.
Бу илнең үсеш юнәлешләрен билгеләүче юллама гына түгел, ә халыкара вәзгыятьне дөрес, гадел бәяләү, хәлиткеч аңлатмалар да. Шуңа күрә Фәрит Мөхәммәтшин дәүләт башлыгының мөрәҗәгатен аерым шәрехләде.
Утырышка кадәр күп кенә парламентарийлар кызыксыну һәм рәхмәт сүзләре җиткереп, хезмәттәшләре Эдуард Шәрәфиев белән аралашты. Контракт буенча 4 ай ул махсус хәрби операция зонасында алгы сызыкта булган. Бүген депутат яңадан сәяси сафта һәм Татарстанга фронттан зур рәхмәтен белдерә.
Утырышның көн тәртибендә 20 сорау. Алар республика бюджетына, Бюджет һәм Гаилә кодексларына, янгын куркынычсызлыгындагы үзгәрешләргә кагылды. Парламентарийлар Казан федераль университетын үстерү программасын гамәлгә ашыруны карады.
Дәүләт Советы утырышы тәнәфесендә Татарстан Республикасы Рәисе һәм Парламент Рәисе «Бу Җир безне сайлады» китабын тәкъдир итүдә катнашты. Күренекле нефтьче һәм төзүче, Көнбатыш Себернең нефть-газ комплексын булдыручыларның берсе булган Геннадий ШмАльның 85 яшьлегенә багышланган. Юбиляр үзе республика җитәкчелегенә рәхмәт белдереп, китапны Рөстәм Миңнехановка бүләк итте.
