22нче февральдә парламентарийлар Дәүләт Советының чираттагы утырышына җыела. Дәүләт Советы Президиумы утырышында көн тәртибенә 23 мәсьәлә кертелгән.
Депутатлар республика законнарының проектын, 4 федераль закон проектын һәм Чиләбе өлкәсенең Закон чыгару инициативасын карарга планлаштыра. Татарстан Республикасы Дәүләт Советы Рәисе Фәрит Мөхәммәтшин көн тәртибенә куелган мәсьәләләрне тикшерү алдыннан, республикада узган мөһим вакыйгаларны билгеләп үтте. Бу ай дәвамында муниципаль районнарда хисап сессияләре уза. «Катлаулы шартларга карамастан, тулаем республика җитди чакыруларга каршы тора алды, узган ел халык хуҗалыгының барлык тармаклары һәм муниципалитетлар 2023нче елга куелган бурычларны хәл итү өстендә уңышлы эшләделәр», — дип ассызыклады Фәрит Мөхәммәтшин
…..
Республика районнарында йомгаклау сессияләре дәвам итә. Болгарда Спас районының узган елгы үсешенә йомгак ясалды. Муниципаль Совет сессиясенә Фәрит Мөхәммәтшин килде. Моннан тыш, ул 1 нче мәктәптә парламент дәресен үткәрде. Шулай ук Парламент Рәисе сугышчы-интернационалистларны искә алу митингында катнашты. Ел саен 15нче февральдә әфганчылар Геройлар Аллеясына җыела һәм үзләренең иптәшләрен искә ала.
Узган атнада парламент комитетлары киләсе сессиягә закон проектларын әзерләде, Фәрит Мөхәммәтшин Татарстан Халыклары ассамблеясе советы утырышын һәм республика Волейбол федерациясе президиумын уздырды. Парламентарийлар Әфган кампаниясендә катнашкан якташыбыз Илшат Гәрәйханов турындагы фильмны тәкъдим итүдә катнашты.
Мобилизацияләнгән гражданнарга, эшмәкәрләргә, төзелеш индустриясенә һәм икътисадның башка тармакларына җитди ярдәм. Дәүләт Думасы депутатлары ярдәмендә мөһим карарлар үз вакытында кабул ителде, бу узган ел нәтиҗәләре буенча бөтен юнәлешләрне дәрәҗәле тотарга мөмкинлек бирде.
Әфганстандагы сугыш хәрәкәтләрендә Спас районында туган 107 кеше катнашкан. Алтысы туган ягына
әйләнеп кайта алмаган. Төньяк Кавказда Ватан мәнфәгатьләрен яклаган якташларын да онытмыйлар. Районның «Боевое братство» “Сугышчан туганлык» оешмасында һәркемне хәтерлиләр.
Бүген районда 36 ветеран яши. Аларның берсе үз теләге белән махсус хәрби операциягә китте. Болгарда нәкъ менә аларның барысына да игътибар булырга тиеш, дип уйлыйлар.
Яңа инвестор 7 мең гектардан артык сөрүлек җирләрен эшкәртергә алына. Һава торышы тотрыксыз булуына карамастан рекордлы уңыш — 177 мең тоннадан артык ашлык җыеп алынган. Республика казнасыннан 9 миллион сумга якын акча бүлеп бирелгән, ә район бюджетыннан саву аппаратларын сатып алуга субсидиятапшырылган. Район икътисадын үстерүдә һәм ныгытуда кече һәм урта бизнесның роле бәяләп бетергесез. Фәрит Мөхәммәтшин район башлыгының хисабын игътибар белән тыңлап, үз тәкъдимнәрен һәм бәясен бирде.
