“Уңайлы мохит”, “Гражданнарга социаль ярдәм», телләрне саклау һәм өйрәнү – Мәгариф һәм фән министры Илсур Һадиуллин парламентның 27 нче утырышында 2020 нче елда мәгариф үсеше турында сөйләде. Күп саннар китерелде, шуңа күрә сорауларга җавап биргәндә, министр кайбер детальләрне аңлатты. Шулай ук сессиядә депутатлар «Хөкүмәт сәгате» кысаларында халык сәнгате кәсепләрен саклау, өйрәнү һәм үстерү турында мәгълүмат тыңладылар.
Россия Дәүләт Думасы һәм Татарстан Дәүләт Советы депутатлары республика клининк хастаханәсенең яман шеш авырулары үзәгендә булды. Биредә дәваланучы сабыйларга йомшак уенчыклар, рәсем ясау өчен буяулар, карандашлар, яшүсмерләргә төрле өстәл уеннары җайланмаларын бүләк итте.
Хәйрия акциясе “Кыюлык тартмасы” дип атала. Бүләкләр кыюлык һәм ныклык билгесе буларак авыру балаларны сөендерде. Әлеге игътибар авыру балаларга дәвалану процессыннан соң, психологик киеренкелекне йомшартырга, кәефләрен күтәрергә булыша.
Барлык пациентларга күңелле сюрприз. Иң кечкенә балаларга “Кыюлык тартмасы”на йомшак уенчык, буяу, карандаш, фломастер, ә яшүсмерләргә төрле өстәл уеннары җайланмалары салынган иде.
Стационарда яткан балалар өчен нинди дә булса канцелярия товарлары булу аларга дәвалану процессыннан бераз ял итеп тору, вакытларын файдалы һәм уңайлы итеп уздыру мөмкинлеген бирә.
“Кыюлык тартмалары”н Дәүләт Думасы депутатлары, Татарстан блогерлары һәм хәйрия фондлары бергәләп әзерләгән. 15неннән алып 29 ноябрьгә кадәр “Бердәм Россия» партиясенең игелекле эшләр көннәре вакытында җыйганнар.
Безнең балалар медицинасы бу үзәктә зур үсеш алды. Әлбәттә, дәвалауның күп төрләре бик озак бара. Балаларга авыруны җиңүдә ярдәм итәргә,кирәк.
Киләчәктә дә нәни пациентларны күңелле сюрпризлар белән сөендерүне дәвам итәргә җыеналар. Күңелендә яшәү омтылышы булган балаларга ихлас булышу, йөзләрендә елмаю нурларын күрү бик тә мөһим бит.
……
Ел ахырына якынлаша. Алексеевский районы өчен ул җиңел булмады, шулай да нәтиҗәләр алдагы пандемия елы белән чагыштырганда күпкә яхшырак. Районда төп предприятиеләр эшли, икътисад структурасы агросәнәгать комплексын гына үз эченә ала.
Алексеевский авыл хуҗалыгы эшкәртү кооперативы ай саен халыктан 16 тоннадан артык ит сатып ала. Шуның 12 тоннасы эшкәртелеп, Алексеевский, Балык Бистәсе, Әлки, Спас районнары мәктәпләре укучыларын һәм балалар бакчаларында тәрбияләнүчеләрне тукландыруга тотыла. Кулдан пилмән, котлет, балык, кош итеннән ярымфабрикатлар ГОСТ нормаларына һәм санитар таләпләргә туры китереп әзерләнә. Терлекләрне Хәләл стандартлары буенча гына чалу оештырылган.
Ил Президенты Владимир Путинның кече яшьтәге мәктәп укучыларын бушлай тукландыру турында хуплаган федераль законны сыйфатлы итеп гамәлгә ашыру мөһим. Шуңа күрә предприятие быел ярымфабрикатлар җитештерү буенча зур цех ачкан.
ЛАЙФ
Алексеевскийдагы 4 нче башлангыч мәктәптә 84 укучы белем ала, биредә үк балалар бакчасы эшли. Тәнәфестә балаларны төшке аш белән тукландыралар.
Ярымфабрикатлардан аш-су әзерләү өчен күптән түгел плитәләр, җиһазлар алмаштырылган. Балаларга кайнар ашамлыклардан тыш, җиләк-җимеш, яшелчә, камыр ризыклары бирелә. Җирле хакимият карары белән ташламалы категорияләр – күп балалы һәм аз тәэмин ителгән гаиләләрдә тәрбияләнүче балалар, шулай ук сәламәтлекләре буенча мөмкинлекләре чикләнгән балалар бушлай туклана.
Бүгенгә парламент хәбәрләре турында кыскача шулар иде.
