Бөтен илдән халык сайланучылары белән Владимир Путин очрашты. Ил президенты аларга җитди сораулар белән мөрәҗәгать итте, шул исәптән милләтара тынычлыкны һәм татулыкны ныгыту, төрле илләр белән халыкара хезмәттәшлекне ныгыту буенча.
Фәрит Мөхәммәтшин «Зенит» һәм «Динамо — Ак Барс» волейбол командаларын ил чемпионатында җиңүләре белән котлады. Шулай ук депутатлар «Җиңү диктанты»нда да катнашты.
Безнең илдә 27нче апрельдә билгеләп үтелә торган Россия парламентаризмы көненә тагын бер тапкыр әйләнеп кайтыйк. Санкт-Петербургта бәйрәм алдыннан Таврический сараенда гадәттәгечә Закон чыгаручылар советы булды.
Сенаторлар, Дәүләт Думасы депутатлары, шулай ук төбәк парламентлары башлыклары күп кенә мәсьәләләр буенча фикер алышты — туучылар санын арттыру һәм балалы гаиләләргә ярдәм итү, авыл хуҗалыгы билгеләнешендәге җирләрне рациональ файдалану һәм саклау, шулай ук туризм. Бөтен илдән халык сайланучылары белән Владимир Путин очрашты. Ил президенты аларга җитди сораулар белән мөрәҗәгать итте, шул исәптән милләтара тынычлыкны һәм татулыкны ныгыту, төрле илләр белән халыкара хезмәттәшлекне ныгыту буенча.
Фәрит Мөхәммәтшин «Зенит» һәм «Динамо — Ак Барс» волейбол командаларын ил чемпионатында җиңүләре белән котлады. Шулай ук депутатлар «Җиңү диктанты»нда да катнашты.
Казан Кремлендә «Зенит — Казан» волейбол клубын һәм «Динамо — Ак Барс» хатын-кызлар волейбол клубын данладылар — 2023/2024нче сезонда волейбол буенча Россия чемпионнарын бүләкләү узды.
Тантанада Татарстан Дәүләт Советы Рәисе, республиканың Волейбол федерациясе президенты Фәрит Мөхәммәтшин, Татарстан Премьер-министры Алексей Песошин һәм Татарстан Республикасы Администрациясе җитәкчесе, “Динамо” ФСО рәисе Әсгать Сәфәров катнашты. «Динамо — Ак Барс» Казан волейболчылары 29нчы апрельдә финалда Калининград «Локомотив»ын отты һәм 7 нче тапкыр Россия чемпионатының алтын медален яулады. «Зенит — Казан» уенчылары 12 нче тапкыр финал сериясендә Мәскәү «Динамо»сын җиңеп, ил чемпионнары булдылар. Соңгы тапкыр Казанның ир-атлар һәм хатын-кызлар волейбол командалары 2015нче елда Россия чемпионатын отты. Фәрит Мөхәммәтшин ассызыклаганча, Россия чемпионаты алтын медале — бик күп кешеләрнең — тренерларның, спортчыларның зур хезмәте нәтиҗәсе.
