Быелгы пандемия шартларында укулар да читтән торып, дистанцион рәвештә узды, өлгергәнлек аттестаты алу да башка еллардагыга охшамады.Чыгарылыш сыйныф укучылары соңгы кыңгырау чыңлавында мәктәп белән саубуллаша алмады. Буа районында барлыгы 9нчы сыйныфны 457 укучы тәмамласа, 164 укучы 11 нче сыйныфны тәмалау турындагы документка ия булды. 11нчеләр өчен Бердәм дәүләт имтиханнары югары уку йортларын керү имтиханы булып та санала. Чыгарылыш сыйныфларның уй-кичерешләре хакында киләсе язмада.
Ранис Әхмәтшин:” Бүген 2нче номерлы лицейда 80 укучы олы тормышка аяк баса.Аларның 60ы 9нчы сыйныфны,20се 11 нче сыйныфны бетергәнлеккә өлгергәнлек аттестаты алдыдар. Араларында кызыл аттестат алучылар да бар”
Илнара Вәлиева 9нчы сыйнфны яхшы билгеләренә генә тәмамлый. Бүгенге чараны икеләтә бәйрәм дип саный. Беренчедән, 3 ай күрешмәгән классташлары белән очрашса, икенчедән кулына аттестат ала. Укуын шул ук лицейда дәвам итәргә уйлый.
9нчы сыйныфны тәмамлаучы Илнара Вәлиева:Мин укытчыларга бик зур рәхмәт әйтәсе килә.9нчы сыйныфны без яхшы гына бетердек. 10нчы класска барырга телим”
Гөлнара Вәлиева. Бүген минем кызым 9нчы сыйныфны тәмамлады. Үзем дә шул мәктәптә укыдым.Шуңа күрә укытучыларга зур рәхмәт.Алар безнең балаларга белем генә бирмиләр, безнең балаларны олы тормыш юлына озаталар, акыллы, тырыш булырга өйрәтәләр”
Бусы инде шул лицейның 11нче сыйныф укучылары.9нчы сыйныфлар белән чагыштырганда егет-кызлар күпкә тыйнаграк. Чөнки алда Бердәм дәүләт имтиханнары көтә. Бу бер үк вакытта югары уку йортларына керү имтиханы да булып тора. Алия Мөхетдинова олимпиадаларда, төрле бәйгеләрдә актив катнашкан.Имтиханнарга да ныклап хәзерләнгән.Хыялы-табиб булу.
Алия Мөхетдинова:“Бүген без мәктәпне бетерәбез.Алда безне имтиханнар көтә.Әмма без курыкмыйбыз.Бик нык хәзерләндек”
Равия Мөхетдинова:”Бүген менә шатлыклы да,моңсу да көн. Икенче кызыбызны олы юлга озатабыз. Алда бик каты дулкынландыргыч имтиханнар көтә. Хәерле юл телибез балаларга”
Бүген районда барлыгы 9нчы сыйныфны 457 укучы тәмамлады. 164 укучы 11 нче сыйныфны тәмалау турындагы документка ия булды. 11нчеләр өчен Бердәм дәүләт имтиханнары югары уку йортларын керү имтиханы булып та санала.Бердәм дәүләт имтиханнары 3 июльдән башлана. Югары уку йортларына гаризалар бары тик онлайн форматта гына кабул ителә.
Ранис Әхмәтшин,Айрат Насруллов.
