Дәүләт Думасы Олимпия, Параолимпия һәм Сурдлимпия чемпионнарын әзерләгән тренерларга пенсиягә ай саен өстәмә түләү турында закон проектын беренче укылышта кабул итте.
Инициативаны Федерация Советының беренче вице-спикеры Андрей Турчак белән Дәүләт Думасы вице-спикеры Сергей Неверов җитәкчелегендәге депутатлар һәм сенаторлар төркеме эшләде. Гамәлдәге закон нигезендә, әлегә мондый айлык матди тәэминатны спортчылар үзләре ала. Ә чемпионнар тренерлары моннан файдаланмый. Документ тренерларның хезмәтен гадел бәяләүне күздә тота. Закон проекты авторларының берсе, җиденче чакырылыш Дәүләт Думасы депутаты Ольга Павлова фикеренчә, бу Токиода Олимпия да катнашучыларга һәм Пекинга җыенучыларга саллы ярдәм булырга тиеш. Иң мөһиме, закон тренерларны эшкә ныграк җәлеп итү мөмкинлеген арттыра. Инициатива күп кенә танылган Россия тренерлары тарафыннан да хупланган.
