Бронза гасыры һәм аннан соңгы чорларга караган балчык чүлмәкләр ук очлары, бакыр һәм аккургаш эретмәсеннән бизәнү әйберләре. Бу тарихи һәйкәлләр М-7 «Волга» трассасын төзекләндергән вакытта табылган. Археологлар «Чишмәбаш стоянкасы»нда эшләүләрен дәвам итә. Тулырак хәбәрчеләребез язмасында.
Очраклы табылдыклар урыны хәзер тикшеренүләр алып бару өчен әйләндереп алынган. Элек биредә юл салучылар эшләсә, аларны утыз археолог алыштырган.
Археологлар фаразлаганча, сөяк калдыклары хатын-кызларныкы яки балаларныкы. Алар безнең эрага кадәр икенче гасырга карый. Бүгенге көндә галимнәр 30га якын күмү урыны тапкан. Сөяк калдыкларыннан тыш, бронза билбаулар һәм асылмалы бизәнү әйберләре очрый. Аерым каберләрдә бронзадан ясалган ук очлары табылган.Тарихи һәйкәлләр тикшерелгәннән соң, Татарстан Республикасының дәүләт музей фондына тапшырыла.
Мөршидә Җиһан, Булат Шакиев Дамир Мөхәммәтханов Татарстан яңалыклары.
