Соңгы араларда гадәттән тыш хәлләр гел Казанның Нокса елгасы белән бәйле. Яз–көз елгалары ташып ел саен Салмачи торак йортларның ишегалларын су баса, әле канализация коесыннан агызылган су агып Большие Клыки бистәсендә яшәүчеләр пычрак судан интегә . Дөрес, күпер төзелгәннән соң су ташу мәсъәләсе өлешчә хәл итеде, әмма экология хезмәткәрләренә тагын эш чыкты. Ә нинди эш һәм ул ничек хәл ителәчәк? Безнең махсус репортаж.
Күргәнегезчә, әлеге видеомөрәҗәгать социаль челтәрләрдән алынган. Царицыно бистәсе янында Нокса елгасы яры шундый хәлдә дип хәбәр итә табигать торышына битараф булмаган халык. Ә бит кайчан гына бирелдә балалар су коена, балык тота иде. Ә хәзер ул чүплек чокырына әверелгән.
Үз күзләрең белән барып күргәч Нокса елгасынд гы хәлнең тагын да аянычрак икәнен аңлыйсың . Бу суны чиста дип әйтергә тел әйләнми. Елганың кайбер урыннанрыда әнә шушынды арткылды торбалар да бар. Чүп-чарның да ниндие генә юк, хәтта машина покрышкаларына кадәр аунап ята. Әмма ни гаҗәп елганың әле җаны исән. Матур күлмәкле үрдәкләр дә йөзеп йөри. Су конгызлдары да үзләрен елга хуҗалары кебек хис итә . Ләкин озаккамы икән? Бу сорауны без Экология министрлыгына бирдек.
Татарстан Республикасы Экология һәм табигый байлыклар министрлыгының Нокса елгасын пычрату белән бәйле административ тикшерү башлый. Урынга барып суның пычрануы белән бәйле сәбәпләрне өйрәнеп тиешле чаралар күреләчәк.
Экологлар бу проблеманы, әлбәттә, тикшерер. Нокса елгасы да чистарыр. Тик озаккамы? Елга буенда чүплек үзеннән-үзе барлыкка килми. Казанлылар үзләре яши торган урыннарда чүпләмәскә өйрәнмәсә вәзгыять үзгәрми.
Мөршидә Җиһан, Булат Шакиев, Айрат Каюмов Татарстан хәбәрләре.
