Махсус белеме булмаса да, бик оста тегә ул. Сүз Түбән Камада яшәүче Рәхилә Корбангалиева турында бара. Хатын-кыз хәрбиләр өчен мендәрләр ясый. Беренче ике партиясе алгы сызыкка инде озатылган. Бу юлы 100 мендәр җибәрергә планлаштыра. Махсус хәрби операциядә катнашучылар туган өй җылысын еракта да тойсыннар, дигән теләктә шәһәрдәш.
Тегү машинасы текелдәве тынмый диярлек. Рәхилә Корбангалиева мендәр тышлыклары ясый. Һәрберсенә күңел җылысы сала. Кул эшләрен – кадерле кешеләр – хәрбиләр өчен әзерли. Өйдә ясалган мендәрләр йомшак, чыдамлы була, йокы да тәмлерәк тоела ди, түбәнкамалы.
Оста куллы шәһәрдәшнең махсус белеме юк, барысына да үзлектән өйрәнгән. Иртә-кич – эштә булса, төннәрен — тегә. Тукыма белән эшмәкәрләр булышалар. 16 яшьлек улы да үз өлешен кертә. Рашат мендәр тышлыкларына паралон кисәкләре тутыра. Аның әйтүенчә, махсус хәрби операциядә катнашучыларга кулдан килгәнче ярдәм итү — безнең төп бурыч.
Беренче ике партия алгы сызыкка инде җибәрелгән. Бу юлы Корбангалиевлар гаиләсе 100 мендәр ясарга планлаштыралар. Алар — төсләре, размерлары, формалары белән аерылып торалар. Кулланышта да бик уңайлы.
Хәрбиләр туган як җылысын еракта да тойсыннар, дигән теләктә Рәхилә Корбангалиева. Шушы көннәрдә ул әзер мендәрләрне гуманитар ярдәм җыю пунктына илтәчәк. Кулдан язылган хат та калдырачак – монысы инде күңел күтәренкелеге өчен.
Альбина Вәлиева, Илья Челноков, Татарстан яңалыклары, Түбән Кама.
