«Наз» хәйрия фонды Кайбыч районының күп балалы һәм ятим балалар тәрбияләүче әниләре өчен бәйрәм чарасы уздырды. Башкалардан үзгә язмышлы әниләр белән хәбәрчеләребез таныштырыр.
Казан
Алар арасында 3, хәтта дүрт балага әни , әти дип әйтергә мөмкинлек биргән гаиләләр бар. Һәрберсе үзенчә, гыйбрәтле. Кайбычның үзендә яшәүче Светлана Әүхәтшина ,мәсәлән, үзенең өченче баласы авырганда , исән-сау терелсә ятим бала алып үстерер идем дип, нәзер әйтеп куя. Башта үзегезнең дә балаларгыз күп дип бирмиләр. Ә аннан берьюлы ике бала алырга тәкъдим килә.
Әүхәтшиннарның үзләренең дә 5 бала, шуның өстәвенә ике үксезне дә тәрбияләгәннәр. Берүзе үскәч, балаларым күп булачак дип хыяллана Света. Хыяллары чынга ашты , бүген ул 7 бала анасы.
Ә Салтыган авылында яшәүче Хәмдия һәм Равил Бикчәнтәевләрнең барлыгы тугыз бала. Үзләренең биш балалары янына тагын дүрт бала сыендырганнар.
Андый эштә тәҗрибә юк, теләк һәм тәвәкәллек кенә иде ди Хәмдия ханым.
Кайтам дигән кыз Надя исемле булып чыга. Татарча да өйрәнә, Наҗия дип тә эндәшкәлиләр. Алай гына да түгел районның опека бүлеге Хәмдия ханымны тагын өч бала алырга кодалый башлый. Бикчәнтәевлар ризалаша.
Кунакка чакырылган әниләр арасында хезмәт ветераны Роза Саттарова да бар.Ул 43 ел фермада эшләгән.
Әниләргә чәй өстәле артында гөлләр, дә бәйрәм күчтәнәче дә тапшырылды. Наз хәйрия фонды җитәкчесе Нурания Сәйфетдинова Кайбыч районы әниләрен беренче генә чакыруы түгел. Аларны Казанга китерүне Район җитәкчесе шәхсән үзе кайгырта ди.
Шулай ук Тинчурин театры белән дә күптән хезмәттәшлек итәләр. Театр коллективы исеменнән дә әниләргә истәлекле бүләкләр тапшырылды.
Спектакль карар алдыннан Кайбыч районы әниләре музей белән танышты, алар өчен махсус әзерләнгән концерт тыңлады.
Мөршидә Җиһан, Таһир Хәсәнов Татарстан яңалыклары
