Мошенниклар тик ятмый, алдалауның яңа ысулларын эзләп таба. Әйтик, Түбән Камада мошенниклар үзләрен Роспотребнадзор хезмәткәрләре итеп танытып, сыр ясаучы прдприятие хуҗасын куркыталар. Тикшерү белән киләчәкләрен әйтәләр, ә соңрак ришвәт сорыйлар. Теманың дәвамы киләсе сюжетта.
Сыр ясаучыларның гадәти эш көне. Предприятие җитәкчесе Чулпан Миңнебаевага шалтыратып, үзләрен Ропотребнадзор оешмасы хезмәткәрләре итеп белдерәләр, тиздән зур тикшерү белән килүләрен әйтәләр. Хуҗа моны гадәти хәл буларак кабул итә. Тик шалтыратучы тикшерү урынына зур күләмдә акча сорый башлагач, бөтенләй сагаеп кала.
Шул ук вакытта пакетлар әзер инде. Аларны Роспотребнадзор хезмәткәрләре кушуы буенча чит фирма әзерләгән. Чулпан Миңнебаевага аларны 42 мең сумга сатып алырга һәм тикшерү белән килгән кешеләргә тапшырырга гына кирәк икән.
Эшмәкәр берничә тапкыр мошенникларга үзе шалтыраткан. Барлык кагыйдәләр буенча тикшерү үткәрүләрен,, документларны тапшыруларын сораган. Шуннан соң җинаятьчеләр аның шалтыратуларына җавап бирми башлый.
Әнә шулай, мошенниклар тик ятмый. Аларның мәкерле тозагына эләкмәс өчен уяу, игътибарлы һәм сизгер булуырга кирәк. Шикле шалтыратулар булса, кичекмәстән тикшерүче оешмага яки хокук саклау органнарына мөрәҗәгать итү хәлгә тиз арада дөреслек кертергә булышыр иде.
Ләлә Зәйнуллина, Рената Мәрдәнова, Булат Абдульманов, Татарстан яңалыклары.
