Татарстанда өлешчә мобилизациягә чакырылган хәрбиләр өчен, полигоннарда укулар уздыралар. Кырда миналарны эзләп табу, урнаштыру принципларын искә төшерәләр. Танкларны юк итү алымнарын да үзләштерәләр. Солдатлар осталыкны ничек камилләштерә? Хәбәрчебез кызыксынды.
Барысын да искә төшерү-бу ирләр алдында шундый бурыч тора. Татарстаннан мобилизацияләнгән солдатлар теориядән практикага кереште.
Чынбарлыкка якын булган шартларда, сугышчылар төп коралларны өйрәнә. Менә Зенит җайланмасы шартлы дошман вертолетын юкка чыгара. Үз позицияләреңне саклау турында да онытмаска кирәк.
Күнегүләр иртүк башланып, кичкә кадәр дәвам итә. Уку полигонында үткәрелгән һәр минут хәрби бурычларны үтәгәндә ярдәм итәргә тиеш. Аларга солдатлар әзер.
Сугышчыларны әзерләү-бөтен яктан да тулы масштабта бара. Тәҗрибәле инструкторлар булыша, вак- детальләргә дә игътибар зур.
Полигонда ничә кеше бар, әзерлек күпме барачак – бу турыда мәгълүмат әйтелми. Ә безнең яклаучылар гадел, игелекле кешеләр. Киләчәктә хәрби зонада да, тыныч тормышта да уңышлар гына булсын.
Вадим Струминский, Иван Худяков, Татарстан яңалыклары.
