“Милли тормыш һәм дин” җыены — татар дөньясындагы илнең барлык почмакларыннан мөселманнарны җыйган бердәнбер мәйданчык. Форумда катнашкан меңнән артык делегат беренче көнне Россия Хәләл экспо 2024” күргәзмәсе белән танышты. Ә пленар утырыштагы вәзгыть хәбәрчебез Мөршидә Җиһан репортажында.
Узган ел яндык, быел су басты дип чишеләсе мәсьәләләрне сүз башында ук кабыргасы белән куйды Васил Шәйхразыев.
Әлеге чыгышка җавап итеп Нәфыйгулла хәзрәт чит төбәктә йортсыз калган милләтәшләребезгә Татарстан рәисе дәрәҗәсендә кайгыртучанлык тою авылдан китәргә уйлаган кешеләрне дә кире кайтарды диде ул. Шулай ук татар халкының сан ягыннан арттыру җаен табырга кирәклеген искәртте.
Пленар утырыш эшендә катнашкан Россия федерациясе Хөкүмәте Рәисе урынбасары Марат Хөснуллин исеменә дә Мариуполь шәһәрендә җәмигъ мәчетен төзергә ярдәм иткәне өчен рәхмәт сүзләре әйтелде.
Республика Рәисе дә рәхмәткә рәхмәт белән җавап бирде.
Татарстан Республикасы Рәисе карары белән Бөтендөнья татар конгрессы аша Оренбург өлкәсендәге су басудан зыян күрүче милләттәшләребезгә ярдәм кулы сузылды. Бердәмлек авыр вакытта сынала.
Чит төбәктә оештырылган милли чараларның башында күп очракта дин әһелләре торуы хакында милли –мәдәни мохтариятләр эшен әйдәүче буларак Илдар Гыйльметдинов болай дип уйлый.
Чит төбәкләрдә милли мәгариф үсешен җәелдерү мәъәләсә дә җитди.
Татарстан Мөфтие Камил хәзрәт Сәмигуллин игътибарны югары кимәлдә Коръән белгечләре, ислам финанс институтлары өчен бухгалтерлык хисабы һәм аудит әзерләүгә юнәлтте.
Татар тарихы, күп гасырлык тереклек тәҗрибәбез шуны күрсәтә: дин һәм миллилек – яшәешебезнең ике канаты кебек. Шуларның табигый берлеге безне саклаган, инкыйраз афәтләрен исән-имин кичерергә ярдәм иткән.
Мөршидә Җиһан, Владимир Юрков Татарстан яңалыклары.
