Бүген илебезнең дәүләти-дини сәясәтендә мөселман өммәте мәсьәләләрендә һәм аның ихтыяҗларына игътибар арту күзәтелә. Казанда бөтенроссия татар дин әһелләре форумының XI нче тапкыр үткәрелүе моның бер дәлиле.
«Милли тормыш һәм дин» дип аталган форумга россиянең 72 төбәгеннән барлыгы бер мең ике йөз дин әһеле һәм кунаклар килде. Форумда катнашучыларны Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев, Татарстан мөфтие Камил хәзрәт Сәмигуллин сәламләде. Өйлә намазыннан соң дин әһелләре төркемнәргә бүленеп дискуссион мәйданчыкларда фикер алышты.
Шушы минутларда Татарстан Президенты Рөстәм Миңнеханов катнашында “Милли тормыш һәм дин» форумының пленар утырышы башланып китте. Анда дин әһелләрен борчыган мәсьәләләрне исәпкә алып, гомуми резолюция кабул ителә, ә 5 июнь көнне Форум делегатлары «Изге Болгар җыены»нда катнаша. Бу хакта хәбәрчеләребезнең махсус репортажын дүшәмбе 7 июнь чыгарылышында карый аласыз.
