Республикабызның Иннополис шәһәрендә “Робот техникасы һәм мехатроника” үзәгендә яңа технологик алымнар кулланып, үзйөрешле, пилотсыз йөк машиналары, самолетлар ясый башлаганнар. Тулырак мәгълүмат алдагы язмада.
Шәһәр урамнарыннан йөк машинасы әнә шулай җилдерәчәк дип ышандыра инженерлар. Бу үзйөрешле пилотсыз Камаз. Аны идарә итүдә кеше катнашмый. Кирәк очракта, ягъни штаттан тыш очрак килеп чыкса гына кабинадан туктата. Заманча техник могҗизаны тулысынча Иннополис инженерлары ясалган.
Иннополис университетының автоном транспорт системалары лабораториясе җитәкчесе Сәлимҗан Гафуров: «Автомобиль юл билгеләрен аера, каршылыкларны, җәяүлеләрне күрә, спутник навигациясе ярдәмендә хәрәкәт итә.»
Шулай ук университетның төп лабораториясендә – пилотсыз самолет та төзиләр. Ул тулысынча автоном режимда хәтта бик каты суыкларда да эшли ала.
“Робот техникасы һәм мехатроника” технологияләре буенча МТИ компетенцияләр үзәге доценты Роман Федоренко: «Бу самолетны йөк ташу, мониторинг, картография өчен кулланырга мөмкин.»
“Робот техникасы һәм мехатроника” технологияләре буенча МТИ компетенцияләр үзәге җитәкчесе Александр Климчик: «Без фәнне гамәли күнекмәләр белән беркетәбез. Бакалаврларга да, булачак магистрларга да теория белән практиканы, проектларны бергә алып барырга өйрәтәбез.»
МТИ компетенцияләр үзәге кысаларындагы проектлар арасында тагын бер яңалык — төзелмәләрне, биналарны һәм корылмаларны формалаштыру өчен 3D-принтер роботы.
“Робот техникасы һәм мехатроника” технологияләре буенча МТИ компетенцияләр үзәге җитәкчесе урынбасары Александр Малолетов: «3D-принтер роботы төзелеш тармагын кардиналь рәвештә үзгәртергә — бәяләрне киметергә һәм торак төзүне тизләтергә мөмкин.»
Роман Шәйхетдинов — Татарстан Республикасы хөкүмәте рәисе урынбасары: «Бу үзәкнең 30дан артык проекты бар, ярты миллиард сум тирәсе табыш алды.Киләчәккә максаты үзәкне коммерция чыгымнарын каплый алырлык дәрәҗәгә үстерү.»
Эшләнмәләрнең күбесе масштаблы проектлар һәм махсус икътисадый зонаның IT — резидентлары өчен нигез булып тора.
Гадел Әхмәтҗанов, Станислав Назаров.
