Соңгы вакытта Татарстанда юл-транспорт һәлакәтләрендә үлүчеләр һәм тән җәрәхәтләре алучыларның артуы борчулы күренеш.
Юлларда хәвефле хәлләрне киметү өчен, республика Президенты җаваплы түрәләрне чаралар күрергә өндәде. Елга транспорты эшчәнлеге дә тәнкыйть утына алынды. Әлеге проблемалар Транспорт һәм юл хуҗалыгы министрлыгының коллегия утырышында кузгатылды.
Татарстан Президенты Транспорт һәм юл хуҗалыгы министрлыгының йомгаклау коллегиясендә һәлакәтләр турында борчылып сөйләде. Аварияләр саны арткан. Гомумән алганда, узган ел өч меңгә якын юл-транспорт һәлакәтендә 312 кеше һәлак булган. Быелгы ел статистикасы да борчу тудыра-гыйнвар аенда гына да аварияләрдә утыздан артык кешенең гомере өзелгән. Рөстәм Миңнеханов җәмәгать транспорты эшен дә тәнкыйтьләде.
Муниципалитетлар ягыннан бернинди системалы эш юк. Министрлык та бу мәсьәлә белән факультатив рәвештә генә шөгыльләнә. Әйдәгез, бу сорауга башкача карыйбыз. Бюджет инвестиция кредитларын җәлеп итүне исәпкә алыйк. Әлегә җәмәгать транспорты буенча халыктан шикаятьләр күп.
Йөртү тарифлары да, пассажирлар йөртүнең сыйфаты да үзгәрергә тиеш. Елга транспорты эше дә тәнкыйть зонасында. Причаллар-начар хәлдә, ә янәшәдә — «Иске корабликлар», — дип белдерде Президент. Барысын да үзгәртергә кирәк. Тагын бер күрсәтмә — «Казан»халыкара аэропортында өченче терминалын төзү. Һава юллары масштаблырак, сыйдырышлырак, инновацион булырга тиеш.
Алда зур эш көтә. Шул ук вакытта күп эш башкарылган -моның өчен Татарстан Президенты Транспорт һәм юл хуҗалыгы министрлыгына рәхмәт белдерде.Иң зур проектларның берсе-М-12 тиз йөрешле трассасы. Аны төзүдә Ворлд Скиллс хәрәкәте вәкилләре һәм профильле югары уку йортларының студентлар отрядлары да ярдәм итә.
Татарстан Президенты коллегия алдыннан төзелеш отрядлары вәкилләре белән аралашты.
Арматурачы, бетончы,геодезист, эретеп ябыштыручы, ташчы. Күп нәрсә эш тәҗрибәсеннән тора, ягъни, төзелеш университеты студентлары моның үз куллары белән эшләнүен аңларга тиеш. Киләчәктә теоретик белем генә түгел, гамәли белемгә дә ия булу өчен.
Чаллының транспорт концепциясен эшләүдә аспирантка Наталья Орлова да катнаша, моңа диссертация әзерли. Транспорт һәм юл хуҗалыгы министрлыгының төп проектлары арасында- М-12 трассасы белән беррәттән, М-7 участогында Түбән Кама, Чаллы юлларын карап чыгу, Шәле-Баулы — Алексеевск-Әлмәт участогында юл төзү дә планлаштырыла. Шулай ук зур казан боҗрасы һәм Горький шоссесы дублеры да бар.
Һава һәм тимер юл транспорты өлкәсендә дә күп эшләр
башкарырга кирәк.
Казанның тимер юл боҗрасында беренче этап булып Юдино-Дәрвишләр участогында өченче юлны төзү планлаштырыла. Яңа-Аракчинога тоташтырырга кирәк. Бу аэропорттан Казан-1 һәм Казан-2 вокзалларына кадәр туры элемтә ачарга мөмкинлек бирәчәк.
Ә транспорт Министрлыгының зур планнары тизрәк гамәлгә ашсын өчен, берьюлы берничә мөһим килешүгә кул куелды. Ә Татарстан Президенты юл челтәрен карап торуны күзәтү өчен 26 автомобиль тапшырды. Сыйфатлы юллар төзү генә түгел, аларны саклап калу да бик мөһим бит.
Инна Данилова, Дамир Мөхәммәтханов, Татарстан яңалыклары.
