Махсус хәрби операция зонасында хәрби бурычын үтәгәндә һәлак булган Александр Козырев истәлегенә Татарстан Менделеевск районының Песәй мәктәбендә мемориаль такта ачылды. Бу хакта район башлыгы Радмир Беляев Телеграм-каналында хәбәр итте.
«Россия Федерациясе Президенты Владимир Путин карары белән хәрби бурычны үтәгәндә күрсәткән батырлыгы, кыюлыгы һәм фидакарьлеге өчен рядовой Козырев Александр Юрьевич үлгәннән соң Батырлык ордены белән бүләкләнде. Аның турында хәтер мәңге яшәячәк», — дип язган Беляев.
Искәртик, агымдагы елның октябрендә хәрби бурычны үтәгәндә һәлак булган Олег Леонтьевка районның Монашев урта мәктәбендә мемориаль такта ачтылар.
Россия Федерациясе Президенты карары белән рядовой Леонтьев үлгәннән соң Батырлык ордены белән бүләкләнде.
Украинада махсус хәрби операция 2022 елның 24 февраленнән бирле уздырыла. Аны РФ Президенты Владимир Путин башлап җибәрде. Россия хакимияте аның куелган максатларга ирешүгә кадәр дәвам итәчәген берничә тапкыр белдерде.
