“Матбугат йорты” бинасындагы “Ногай” кунакханә комплексында “Китап club” әдәби рестораны ачылды. Мондый форматтагы ресторан Казанда моңа кадәр юк иде әле. Ачылу тантанасында безнең хәбәрчебез, Искәндәр Гыймалтдинов булды.
Аның бу бинада ачылуы очраклы түгел: «Матбугат йорты» гомер-гомергә әдәбиятчылар, журналистлар, гомумән, зыялыларның яраткан урыны булган. Ресторанның төп үзенчәлеге шунда: кунакларга төрле тәмле ашамлыклардан тыш, кызыклы китап басмаларын тәкъдир ителәр дә планлаштырыла.
Әлеге бина үз чорында Казандагы бөтен газета-журнал редакцияләрен һәм китап нәшриятен сыйдырырлык итеп төзелгән иде. Күп еллар дәвамында биредә китап кибете эшләп килде. Ә инде бүген менә әдәби ресторан барлыкка килде. Монда 500дән артык төрдәге китап тупланган. Аларны шуннан алып танышырга, укырга, ә ошаган басманы сатып алырга да мөмкин. Биредә шулай ук төрле чаралар – язучылар һәм шагыйрьләр белән очрашулар, яңа китап презентацияләре, тематик кичәләр дә үткәрү күздә тотыла.
Искәндәр Гыймалтдинов, Таһир Хәсәнов, Татарстан яңалыклары.
