Һәр ел башында Казанда үтә торган “Манзара” спорт һәм музыкапремиясендә быел зур үзгәрешләр. Бу хакта “Манзара” премиясе оештыручылары матбугат конференциясендә хәбәр итте. “Пирамида”да тамашачылар милли көрәш кенә түгел, каратэ ярышы да күзәтә алачак. Ә быел кайсы артистлар катнашуы турында алдагы язманы карап белерсез.
Матбугат җыелышы, гадәттәгечә, ике дәүләт телендә алып барылды. «Манзара» спорт һәм музыка премиясендә быел җиңүчеләрне 10 номинация буенча бүләклиләр. Биредә жюри иң яхшы журналист, продюсер, партнер һәм башкаларны билгели. Ә иң яхшы спортсменны һәм артистны халык сайлар, дип көтелә.
“Манзара” премиясе 2016 нчы елдан халык күңелен яулады. Яраткан артистлар һәм йөрәккә якын милли көрәш – бер сәхнәдә.Манзарада каратэ көрәшен күрсәтү дә юкка гына түгел. Баксаң, Россиядә иң күп каратэ чемпионнары – Татарстаннан икән.
Манзарада иң яхшы көрәшчеләр катнаша. Аларның авырлыклары быел 30 килограммнан башлана. Иң кечкенә көрәшчегә 12 яшь, олысына – 40-50. Җиңүне Татарстанның баш хөкемдарлары билгели.
Бүләкләр мулдан – 100 мең акча. Әмма бүләкләр арасында быел машина юк. Шулай ук, һәр көрәшченең промокоды бар, тамашачылар билетны сатып алганда шуныкуллана, шулай көрәшчегә билет бәясеннән дә өлеш чыга.
Манзарада җырчы Дилә Нигъмәтуллина чыгыш ясар, дип көтелә. Тулы артистлар исемлеген оештыручылар сер итеп калдырды. 20 нче гыйнвар көнне күреп белерсез. Килә алмаганнар өчен онлайн трансляция да каралган.
Миләүшә Гыйльфанова, Искәндәр Төмәнов, Татарстан яңалыклары.
