Мамадыш раойнында Юбилейный дип исемләнгән универсаль спорт залы төзелеп килә. Бүгенге көндә бинаның инде 85 проценты әзер.Бу райондагы иң зур спорт корылмаларының берсе булачак. Объект төзелеше турында алдагы язмада.
Мамадыш шәһәренең төньяк өлешендәге универсаль спорт залы быелның май аенда төзелә башлаган иде. Хәзергә барлык эшләр дә график буенча бара. Объектта 70 төзүче, 4 техника эшли. Көн сменасы иртәнге сәгат 7дән кичке тугызларга кадәр бара.
Спорт объекты зур, иркен. Универсаль зал мини футбол, баскетбол, волейбол, бадминтон уеннарына исәпләнә. Икенче катта тренажерлар урнаштырыла.
Фәргать Мозаффаров район яшьләр эшләре һәм спорт бүлеге җитәкчесе урынбасары
Бинаның стеналары зәңгәр, ак һәм соры төсләрдәге сэндвич-панельләрдән эшләнгән. Объектны рекордлы срокларда – 3 ай эчендә түбә астына керттеләр. Участок җитәкчесе әйтүенчә, алар төзелеш өчен генә түгел, бинаны җиһазландыру һәм спорт инвентарьлары урнаштыруга да җаваплы. Әлеге эшләрнең барысын да ноябрь ае азагына кадәр тәмамларга планлаштыралар.
