Май ахырында «Балалар илне ясый» республика конкурсына гаризалар кабул итү тәмамлана. Быел ул Гаилә елына, фәнни-технологик үсеш, юлларда иминлек елына, шулай ук Ватаныбызны саклаучыларга багышланган. Бөтен республика рәсем ясый. Казанның 2 нче сәнгать мәктәбендә дә иҗади эш кайный.
Өлкәннәр балалар рәсемнәрендә чагылыш таба. Әти-әниләр белән табигатькә чыгу, гаилә, туганнар белән кичке аш, бергә үткәрелгән яллар. Шулай итеп матур рәсемнәр барлыкка килә.
Казанның икенче сәнгать мәктәбе укучылары республика бәйгесендә беренче тапкыр катнаша. Эшкә тотынганчы, нинди темаларны ачулары турында фикер алыштылар. Алия Кәримова фронт медальләре ясый. Аны ул Бөек Ватан сугышы ветераны Хәмит бабасының фоторәсемнән — карап төшерә.
Алла Абросимова юлларда куркынычсызлык темасын сайлаган. Аның рәсеме — ул шәхси мисал — юлларны кешеләр дә, хайваннар да дөрес үтәргә тиеш.
Рәсемнәрнең бу елны Россиядә игълан ителгән гаилә елына багышланнары да күп — яшь рәссамнар өчен һәрберсе үзенчәлекле. Ата-аналар һәм укытучылар өчен һәр рәсем дә кадерле.
Шәһәр һәм районнарда балаларны яклау көнендә муниципаль этапка йомгак ясала. Казанда Россия көнендә конкурста җиңүчеләрне барлык дүрт номинациядә дә бүләкләү тантансы була.
Алия Галиуллина, Ильмира Исмагилова, Дамир Мөхәммәтханов, Татарстан яңалыклары.
