Россия иң катлаулы чакыруларга һәм янауларга лаеклы җавап бирәчәк, дип белдерде Владимир Путин закон чыгаручылар советы белән очрашуда.
Ил президенты Россия парламентаризмы көне белән котлады. Парламентаризм көне уңаеннан уздырылган чараларда Татарстан Дәүләт Советы рәисе Фәрит Мөхәммәтшин катнашты. Май аенда закон чыгаручылар советына 10 ел тула. Бу вакыт эчендә әлеге форматның файдалы һәм кирәкле булуы ачыкланды. Совет илнең баланслы үсешенә ярдәм итә, төбәкләрнең күптөрлелеген һәм байлыгын чагылдыра, дип белдерде Владимир Путин.
