Әссәләмегеләйкем вә рәхмәтуаһи вә бәрәкәтүһү. Хөрмәтле дин кардәшләребез, бүген сезгә корьәннең кульязма мүсхәфен язу, намаз уку һәм Тел галиме, филология фәннәре докторы, Татарстан Фәннәр академиясе мөхбир -әгъзасы Айнур Тимерхановның Болгар ислам академиясе эшчәнлегенә багышланган сорауларга җавапларын тәкъдим итәрбез.
Барлыгы 70 көн. Коръәннең 30 нчы җүзен язу өчен киткән вакыт. Исегезгә төшерәбез, изге китапның кулъязма мүсхәфен язуга керешү тантанасы 12нче гыйнвар көнне Казанның “Кол Шәриф” мәчетендә үткәрелгән иде. Алга таба каллиграф корьәннең ачкычы булган “Фатиха” сүрәсеннән башлап беренче җүзен язуга керешә.
Намаз уку Ислам диненең биш баганасының берсе. Аңа өйрәнүне бик күпләр Рәшидә Исхакыйның Намаз уку тәртибе китабыннан башлый. Шулай ук “Гаилә” мәчетендә һәр сишәмбе көнне кичке алтыда намазга өйрәтү сәгате бар. Рамазан ае башлангач әлбәттә вакыты бераз күчәргә мөмкин. Шулай да килсеннәр, барысын да өйрәтәбез, әле бүләкләр дә бирәбез дип ышандырды, “Гаилә” мәчете имам-хатыйбы Рөстәм хәзрәт Хәйруллин.
Ә инде өйдә генә өйрәнәбез диючеләр өчен Татарстан диния нәзарәте телевизион каналының «Намазга өйрәник» проекты бик уңайлы. Ул интерактив видеолар циклы. Намаз уку тәртибеннән тыш, аның кагыйдәләре, намазда булган хәрәкәтләрнең мәгънәләре турында да мәгълүмат алырга мөмкин .
***
Болгар ислам академиясе ачылганга быел 5 ел. Бу вакыт эчендә ике ректор алышынды, өченчесе әле тагәенләнмәгән. Шулай да хилафлык юк, эшчәлек дәвам итә. Беренче магистрлар чыгарылышы 2020 елда булды. 23 студент «ислам фәннәре» юнәлеше буенча магистр дипломнарын алган иде. Хәзер биредә докторантура да эшли. Яңа программалар ачыла,хәтта киләсе уку елыннан дини белемгә өстәп, дөньяви белем дә алу мөмкинлеге бар. “Ислам теологиясе контекстында дәүләт-конфессиональ мөнәсәбәтләр“ дип аталган магистрлык программасы ике ел да алты айга исәпләнгән. Бу хакта Болгар ислам академиясе ректоры вазифаларын башкаручы Айнур Тимерханов Татар-информ мәгълүмат агентлыгында узган мабугат конференциясендә сөйләде. Без дә аңа болгар академиясе эшчәнлегенә багышланган сорауларга ачыклык кертүен сорадык.
Болгар ислам академиясе ректоры вазифаларын башкаручы
Болгар ислам академиясе эшли башлаганга 5 ел. Нәтиҗәләр бармы? Төп миссия үтәләме?
Академиядә ислам мирасын саклау һәм үстерү өчен фәнни юнәлешкә нигез салынды, әмма ни дәрәҗәдә дәвам итә?
Җавапларыгыз өчен рәхмәт.
Бүгенгә әзерләгән хәбәрләребез шушылар иде. Дини вәзгытьтәге яңалыклар белән киләсе атнада да таныштыруны дәвам итәрбез. Исән –имин булыгыз.
