Россия ислам инстутында узган эшлекле җыеннан Мөршидә Җиһан репортажы.Бу төр җыеннарның төп асылы тәҗрибә уртаклашу. Һәр абыстай үз мәһәлләсендә Башлангыч дини белем бирү, әдәп-әхлак дәресләрен укытуда, гомумән дини эшчәлектә тансык.
Абыстайлар катнашында узган форум гаилә һәм тәрбия мәсьәләләренә багышланды.
Татарстан мөселманнар берлеге диния нәзарәте белән тыгыз элемтәдә эшли. Җыенны ачып җибәргән мөфти Камил Сәмигуллин дини һәм милли тәрбия бирүдә абыстайларның өлеше турында сөйләде.
Җыен узган ислам институтында югары дини белем алу мөмкинлеге ачылганга да чирек гасыр узган. Бу вакыт эчендә өч буын тәрбияләнде һәм ул елдан- ел камилләшә , укырга килүчеләр максатчан килә дип белдерде Рафик хәзрәт Мөхәммәтшин. Институтта уку өчен мөслимәләргә барлык шартлар да булдырылган. Җыенда катнашучыларның күбесе шушында укыган.
Җыенның тагын бер мәйданчыгы — кул эшенә оста мөслимәләребезнең күргәзмә-ярминкәсе .
Замана абыстаеның кием-салымы, кыяфәтен кайгырту да мөһим. Бу җәһәттән үзмәшгульләр эшчәнлеге үрнәк. Беренче форумда Хәерле гаилә дип аталган үзәкләр оештыру турында да тәкъдим булган иде. Ул эшчәнлек тә тернәкләнеп килә.
Мөршидә Җиһан, Ленар Хәбибуллин, Татарстан яңалыклары.
