Татарстаннан Луганск өлкәсенә икенче мәртәбә гуманитар ярдәм җибәрелде. Төгәлрәк әйткәндә гуманитар ярдәм машиналары Лисичански шәһәренә юл тотты.
Һәрбер машинагага 20 тоннага якын йөк тутырылган. Анда иң кирәкле әйберләр, урын-җир, кием-салым, азык-төлек. Алардан тыш 150 генератор һәм 16 махсус мич тә бар. «Мәрхәмәтле Казан» шәһәр чарасы кысаларында Лисичанскида яшәүчеләр өчен гуманитар йөк җыю турында Казан мэры Илсур Метшин игълан иткән иде.
Гуманитар ярдәм җыюга Казан шәһәре Думасы депутатлары, депутатлар корпусы вәкилләре зур өлеш кертте. Йөздән артык оешма һәм предприятие, фармацевтика, реклама, идарәче компанияләре, сәүдә транспорт тармагы предприятиеләре ассоциациясе кушылды. Моннан тыш, Казанда яшәүче халык та җыю пунктларына килеп үз өлешен кертте дип белдерде оештыручылар.
Лисичански шәһәрендә шулай ук төрле өлкәдә ярдәм итәрлек белгечләргә дә кытлык бар. Әлмәт шәһәренең балалар табибы Кирилл Булатов үзенчә ярдәм итәргә тели.
Лисичанскида яшәүчеләргә ярдәм итәргә теләге булган һәркем кушыла ала. Горький шоссесы, 53а адресы буенча 800 кв.метр мәйданлы склад эшли. Аны «Мәрхәмәтле Казан» фондына илдәге вәзгыятькә битараф булмаган эшмәкәрләренең берсе биргән. Бу складка гуманитар ярдәм җыю пунктларыннан һәм оешмалардан йөк җыела. Бирегә дүшәмбедән җомгага кадәр иртәнге тугыздан кичке алтыга кадәр шимбә көнне иртәнге тугыздан икегә кадәр килергә мөмкин.
Мөршидә Җиһан, Ралина Абрамова. Владимир ЮрковТатарстан яңалыклары.
