Рамазан ае дәвамында республикабызның бик күп мәчетләрендә көн саен авыз ачу –мәҗлесләре үткәрелде. Шиһабетдин Мәраҗани исемендәге беренче таш мәчеттә дә көн саен ифтарлар уза. Берсен хәбәрчебез Мөршидә Җиһан да күреп кайтты.
Әлеге ифтар ислам динендә рамазан аеның фазыйләтләрен аңлату, мәчет белән таныштырудан башланып китте. Мәчетнең имам-хатыйбы Мансур хәзрәт Җәләлетдинов кунакларга мәчет музеен , китапханәсен күрсәтте.Ифтар залында дәвам иткән очрашу барышында вәгазь , мөнәҗәтләр дә яңгырады.
Журналист буларак озак еллар дини темаларга язучы Вәсилә Рәхимова фикеренчә , Мәрҗани мәчете- мәгърифәт үзәге, биредә һәрдаим фәнни –гамәли конференцияләр уздырыла.
Чакырылучылар арасында ислам диненә беренче адымын атлаучылар ифтар мәгънәсен аңлап бетерми. Шуңа да Мансур хәзрәт мәҗлесне сорау –җавап рәвешендә алып барды. Кунакларга да сүз бирелдле. Киләчәктә Мәрҗани мәчетендә гаилә ифтары үткәрү тәкъдиме кертелде.
Рамазан аенда Аллаһы Тәгалә безгә зур мөмкинлекләр бирә. Ифтарлар аша динебезнең әхлагын җиткерергә дә күркәм мөмкинлек тудырыла.
Мөршидә Җиһан Татарстан яңлыклары
