Башкалабызның Мәрҗани мәчетендә Мәрҗангә тиң шәхесләребезне искә алып, корьән мәҗлесе үткәрү күркәм гадәткә әверелде. Шушы көннәрдә иман йортында Хәмдүнә Сәетгали кызы Тимергалиева рухына дога кылынды. Корьән ашында мәрхүмәнең туганнары, иҗатташлары, мәдәният һәм сәнгать әһелләре катнашты.
Мәрҗани мәчетендә, Татарстанның һәм Башкортстанның халык артисты Хәмдүнә Тимергалиеваның вафатына 40 көн тулуга багышланган искә алу кичәсе узды. Татар дәүләт филармониясе тарафыннан оештырылган әлеге мәҗлесне Фердинант Сәлахов алып барды. Җырчының якын туганнары, иҗатташ дуслары истәлекләре белән уртаклашты.
Кадим Нуруллин Татар дәүләт филармониясе директоры
Кадим Нуруллин әйтүенчә, әлеге чараларны үткәрүдә матди яктан да дәүләт ярдәме зур. Башкача мөмкин дә түгел, Хәмдүнә Тимергалиева гомере буе халкым дип яшәде. Ул әле дә безнең арада кебек, дип искә ала сәхнәдәш дуслары.
Альфред Якшимбетов Татарстанның халык артисты
Бертуган абыйсы Фәнәвил Тимергалиевның да сеңлесен искә алу мәҗлесендә күңеле нечкәрде. Аның туры сүзле, гадел кеше булуын, дөнья малына кызыгып яшәмәвен, башкаларга, туганнарга хәтта таш белән атучыларга да аш белән җавап кайтаруын сөйләде.
Фәнәвил Тимергалиев бертуган абыйсы
Тамашачысы да аны юксына. Хәмдүнә Тимергалиева гомеренең соңгы көннәренә кадәр үз концертларында фонограмма кулланмаган җырчыларның берсе.
Кеше язмышы кошларныкына охшаш, ләкин, күкне иңләргә ике канат кирәк шул. Сәхнә аны биеклеккә дә күтәрде, сәхнә аны нахакка рәтҗетүгә дә сәбәп булды. Ләкин сәхнәсез, җырсыз яши алмый иде шул Хәмдүнә Тимергалиева. Баянчы Фәрит Хатыйповны, Хәмдүнә, концертларында мине сәхнәгә алып чыккан беренче гармунчым дип таныштыра торган була.
Фәрит Хатыпов Татарстанның халык артисты
Халыкчан җырчыны гастрольгә алып чыгап киткәндә 1976 ел була, ә тора –бара Хәмдүнә Тимергалиева репертуары Фәрит Хатыйпов җырлары белән дә тулылана.
Ярты гасыр гомерен сәхнәгә багышланган җырчының Татар дәүләт филармониясе бакчасында үзе утыртып калдырган чыршысы үсеп килә. Мәңге яшел, озын гомерле агач дип искәткәннәр иде ул чакта чараны оештыручылар. Юбилее уңаеннан студиябезгә дә чакырган идек.
Хыялларын чынга ашырып бетерә алмыйча арабыздан китсә дә, Хәмдүнә Тимергалиевага хас моң, аңа гына хас җырлар халык күңелендә мәңгелек.
Ләлә Зәйнуллина, Ирек Хамидуллин.Татарстан яңалыклары.
