Казанда җәмәгать транспортында билетсыз пассажирларны ачыклау буенча рейдлар дәвам итә. Чираттагы рейдтан репортаж.
Тикшерү «Җиңү проспекты» тукталышында башланды. Автобус салонында билетләрны, транспорт карталарыннан түләүне карадылар. Бушлай йөрергә теләүчеләр элеккеге кебек үк күп түгел, диләр кондукторлар. Шулай да очрый әле.
Кәгазь билетларда датаны, вакытны чагыштыралар. Ә транспорт карталарын тикшерү вакытында валидаторга куялар. Әгәр түләнгән икән, картадан икенче тапкыр акча алынмый. Ә менә куян кебек качып, билетсыз йөрергә тырышучыларга штраф аз түгел. Җәмәгать транспорты бәясенннән ун тапкырга диярлек артык.
Пассажирлардан тыш, кондукторларның намуслы эшенә дә игътибар итәләр.Предприятие җитәкчелеге карары белән әлеге кондуктор эштән чыгарылган. Казан транспорт комитеты хезмәткәрләре һәм полиция хезмәткәрләренең беренче уртак рейды яз көне узган иде. Хәзер мондый тикшерүләр һәр атна саен бөтен шәһәр буенча үткәрелә.
Валентина Васильева, Владимир Юрков, Татарстан яңалыклары.
