Җәмәгать транспорты хәрәкәтенең оптималь моделен онлайн-хакатон конкурсында катнашучылар әзерли. Конкурста катнашу өчен Россиянең 35 шәһәреннән 180 айтишник килгән. Иң яхшы идеяләр икътисад тармакларында кулланылырга мөмкин. Җиңүчеләрне акчалата бүләкләр көтә.
Әлеге проектка Яшел ут бирү өчен дистәләгән программист эшләгән. Казан светофорларының яртысы диярлек хәзер ясалма интеллект системасы белән контрольдә тотыла.
«Юл хәрәкәте иминлеге» Дәүләт бюджет учреждениесе директоры Рифкат Миңнеханов: «Әлеге системаның нәтиҗәлелеге исбатланган: үткәрү сәләте 20-25 процентка арта.»
Ә хәзер компьютер моделе, магистраль буенча хәрәкәтне дәвам итү өчен, светофорларның яшел сигналларын нинди күләмдә бирүне үзе билгели.
Юл хәрәкәте идарәсенең адаптив системасын эксплуатацияләү бүлеге башлыгы Эдуард Нурсиев: «Диспетчерлык хезмәтеннән тыш, инженерлар составы да бар. Диспетчерның бурычы — сфетофор объектлары белән оператив идарә итү, ватылган очракта тиз арада төзәтү.»
Системаны читтән торып үзгәртеп булмый. Контрольлек итүче барлык серверлар да бер бинада урнашкан.
«Юл хәрәкәте иминлеге» Дәүләт бюджет учреждениесе директоры урынбасары, IT үсеше идарәсе башлыгы Илдар Фәррахов: «Хәтта җиһазлар белән идарә итүче белгечләр дә бирегә киләләр, турыдан-туры җайланмалар белән идарә итәләр. Җиһазлар белән читтән торып идарә итү мөмкин түгел».
Автомобиль ташкыннары, икьтисадый система белән идарә итү, хәтта пандемиянең үсешен фаразлау — «Хакатон» Бөтенроссия конкурсында катнашучы командалар алдына шундый гамәли бурычлар куела.
IT компанияләр төркеме проектлары җитәкчесе Леонид Филлипов: «Без яңа яшь белгечләрне җәлеп итәргә телибез. Платформа югары квалификациясе булмаган белгечләрнең, студентларның да төрле бурычларны модельләштерә алуларына юнәлдерелгән.»
7 көн дәвамында бөтен Россиядән йөздән артык программист үз командасының җиңүе өчен көрәшәчәк. Пандемия сәбәпле, катнашучылар беренче тапкыр бердәм мәйданчыкта түгел, ә он — лайн конференция режимында ярышалар.
Татарстан Республикасы Цифрлы үсеш министры урынбасары Радик Гыйсмәтов: «Без классик белем бирүгә технологияләрне алмаштырырга теләмибез. Катнаш белем бирү методикалары буенча эшләргә телибез һәм монда куркынычсызлык ягыннан гаять зур таләпләр куела.»
Программистлар марафоны федераль дәрәҗәгә беренче тапкыр чыкты. Акчалата бүләкләрдән тыш, җиңүчеләр илнең иң эре IT компанияләренә эшкә урнашу мөмкинлеге дә алачак.
Фәнис Мөхәммәтов, Станислав Назаров.
