Татарстанның Мәгариф һәм фән министры Рафис Борһанов укучыларның әти-әниләренә мөрәҗәгать белән чыгып, мәктәпләрдә, урта профессиональ уку йортларында һәм вузларда уку процессының 6 апрельдән дистанцион формада дәвам итәчәген әйтте.
«Беренчедән алып 11нчегә кадәр барлык сыйныфлар, уку программасында кабул ителгәнчә, дистанцион формада укуны дәвам итәчәк. Укучылар һәм педагоглар төрле электрон платформалар кулланачак», — диде ул.
Үзизоляция режимы гамәлдә булган чорда Казанның 25 балалар бакчасында дежур төркемнәр эшли, анда төрле мәктәпкәчә учреждениеләрдән балалар берләшкән. Дежур төркемнәр ата-аналардан иң күп гаризалар килгән балалар бакчаларында формалаштырылган.
Мәгариф идарәсе мәгълүматларына караганда, Авиатөзелеш һәм Яңа Савин районнарында дежур төркемнәр — 4 балалар бакчасында, Киров һәм Мәскәү районнарында — 6 балалар бакчасында, Вахитов һәм Идел буе районнарында — 8 балалар бакчасында, Совет районында 7 балалар бакчасында ачылган.
Дежур төркем оештырылган якындагы балалар бакчасының адресын белү өчен, кайнар линия телефоннары буенча консультация сорап мөрәҗәгать итәргә мөмкин:
Мәгариф идарәсе: тел. +7(927)400-43-39, +7(927)400-40-71.
Район мәгариф бүлекләре: Авиатөзелеш һәм Яңа Савин районнары — тел. +7(927)400-49-17; Вахитов һәм Идел буе районнары — тел. +7(927)400-44-68; Киров һәм Мәскәү районнары — тел. +7(927)400-49-81; Совет районы — тел. +7(927)400-49-82.
Шалтыратулар дүшәмбедән җомгага кадәр 9.00-дән 18.00-гә кадәр (12.00-дән 13.00-гә кадәр тәнәфес) кабул ителә.
