27 нче март көнне Габдулла Тукай исемендәге Татар дәүләт филармониясендә “Ромео һәм Джульетта” балеты. “Ромео һәм Джульетта» егерменче гасырның иң танылган балетларының берсе, тамашачының игътибарын тирән үтемле мәхәббәт тарихы җәлеп итә.
29 нче март көнне Галиәсгар Камал исемендәге татар дәүләт академия театрында “Рәшә” спектакле. Әмирхан Еникинең «Рәшә» повесте 1962 елда язылган. Әсәр 1943-45 елларны үз эченә ала. Бер-берсе белән таныш булмаган ир-ат белән хатын-кыз очраклы рәвештә тимер юл вокзалында очрашалар. Ир тәэмин итү бүлеге башлыгы, ә гүзәл зат шәһәр филармониясе солисткасы.. Ир-атның шундук хатын кызга күзе төшә… Дәвамын спектакльне карагач белерсез. Башлана кичке сәгать җидедә.
29 нче март көнне Кәрим Тинчурин исемендәге татар дәүләт драма һәм комедия театрында “Төш” спектакле. Бер-берсен өзелеп сөйгән ике йөрәк – Елена белән Камил кавышалар. Көтмәгәндә гаилә кояшын бик тиз кара болытлар каплый. Кем гаепле? Сәбәп нидә? Әлеге сорауларга җавапны спектакльне карап белерсез.
30 нче март көнне “Татарча солянка” концерты. классика һәм халык җырлары, моңсу һәм шул ук вакытта дәрт өсти торган музыка, тамашачы яраткан артистлар-болар барысыда Ленин исемендәге мәдәни-ял комплексы тамашачылар залында.
30 нче март көнне Татар дәүләт курчак театрында “ Авыл эте Акбай” спектакле. Акбайга авылда яшәргә бик ошый, ләкин Тәмлетамак песинең шә һәр күрәсе килә һәм шул ният белән ул чыгып кача шәһәргә, Акбай песине кайгыртып аны эзләргә китә. Ике дус кире авылга эйләне кайта алырмы? Бу турыда балалар спектакльне карагач белерләр.
31 нче март көнне Әлмәт татар дәүләт драма театрында “Сөюнең соңгы бүләге” спекталке. Хатын-кыз Дүрт ел элек олы кызын югалта. Һәм шул көннән ул үз тормышын да, гаиләсен дә кара хәсрәткә төрә. өч сабый баласын мәктәпкә йөрүдән туктата.
2 нче апрель көнне Аяз Гыйлаҗев исемендәге Чаллы татар дәүләт драма театрында “Абага алмасы ачы була” спектакле. Насыйбулла 86 яшендә генә тәүге тапкыр паспорт ала. Әлеге вакыйга турында сорашырга теләп Казаннан яшь журналист авылга кайтта. Дәвамын спектакльне карап белерсез.19:00
Бу атнага мәдәният дөньясына кагылышлы яңалыклар шулар иде. Үзегезне рухи яктын үстерәсегез килсә — концертларга, спектакльләргә, күргәзмәләргә рәхим итегез. Мин, Динә Нәҗметдинова, сезнең белән киләсе атнага кадәр саубуллашам.
