Казан шәһәрендә һәм Республика районнарында нинди мәдәни чаралар көтелә? Әйдәгез бергәләп барлыйк.
Җәйнең беренче көнендә Галиәсгар Камал театры тамаша кылырга тәкдим итәбез, биредә “Казанга Тукай кайткан” спектакле куела.
Тинчурин театрында җомга “Җилкәнсезләр”, якшәмбе “Алтын кояш нурларында” спектакльләре уйнала.
Шимбә көндез Габдулла Кариев театрында “Хан кызы” спектакле күрсәтелә. Өч дус барлык җазаларны үти аламы? Малайлар Хан кызын коткарамы? Бу сорауларга җавапны спектаклҗны карап белерсез.
Бу атнада кайбер район театрлары быелгы сезоннын тәмамлый. Ә хәзер күргәзмәләр һәм музейлар турында тулырак.
«Татарстанның борынгы тарихы» дип исемләнгән күргәзмәгә чакырабыз, биредә археологик эзләнүләр нәтиҗәсендә табылган гади кешеләрнең көндәлек тормышын, шөгыльләрен чагылдырган әйберләр тәкъдим ителгән.
Быел татар философы, күренекле педагог, дин белгече Габдерәхим Утыз Имәнинең тууына 260 ел. Шул уңайдан Казан Кремле музеенда күргәзмә ачылды. Биредә Кунаклар күренекле шәхеснең шигъри кулъязмалары һәм дини фәнни хезмәтләре белән таныша ала.
«Казан Кремле» музеенда «Ләкин күбәләкләр монда бүтән очмый» дип исемләнгән күргәзмә дщвам итә. Күргәзмәгә 30 дан артык фотосүрәт куелган, аларда бөек ватан сугышының зәхмәтле чоры сүрәтләнә
