Хәерле иртә, эфирда “ Мәдәни тормыш” сәхифәсе, сезнең белән мин, Динә Нәҗметдинова.
Галиәсгар Камал исемендәге татар дәүләт академия театрында “ Ситса туй” спектакле. Дүрт яшь пар үзләренең ситса туйлары көнендә көтмәгәндә аерылышыр дәрәҗәгә җитә! Һәр гаиләнең үз нечкәлекләре, каршылыклары һәм сынаулары… Ни өчен бер-берсен яраткан парлар кинәт кенә аңлаша алмый башлый?
Кәрим Тинчурин театрында “Аферист” спектакле. Спектакльдәге вакыйгалар кечкенә генә Камышлау шәһәрендә бара. Биредә барлык җитәкче вазыйфалар да кешенең сәләтенә, казанышларына карап түгел, ә туганлык буенча бүленгән. Көтмәгәндә шәһәргә тикшерү белән прокурор килә һәм кызыклы вакыйгаларга тап була.
Рәссам Луиза Фәсхетдинованың «Гөлханә/Чәчәкләр йорты» дип исемләнгән күргәзмәсе ачылды. Биредә чигелгән намазлык, шамаиль, дини картиналар, Коръән өчен тышлыклар тәкдим ителгән. Күргәзмә 11 февральга кадәр дәвам итә.
Легендар җырчы Әлфия Авзалова исемендәге музейга чакырабыз. Әлеге музейның һәр почмагы легендар җырчыга багышланган, ишектән килеп күрүгә ук Әлфия Авзалова җырлары яңгырый. Биредә шәхеснең костюмнарын күреп, иҗат юлы белән тагын да якынрак танышырга мөмкин.
Хәзинә” милли сәнгать галереясында Кытай рәссамы Лу Линьның “ Урманның икенче ягы” исемле күргәзмәсе дэвам ите. Рәссам табигать аша кешенең эчке дөньясын чагылдыра.
Әлмәт татар дәүләт драма театрына рәхим итегез. 18 нче гыйнвар көнне биредә “Сөюнең соңгы бүләге” дип исемләнгән спектакль уйнала. Дүрт ел элек хуҗабикә олы кызын югалта. Һәм шул көннән ул үз тормышын да, гаиләсен дә кара хәсрәткә төрә. Әлеге тарих нәрсә белән тәмамланыр? Бу турыда спектаклне карап белерсез.
Казанда урнашкан Каюм Насыйри музее да үзенә чакыра. Каюм Насыйри – күп кырлы шәхес: тарихчы, тел белгече, язучы, мәгърифәтче. Музей 2002нче елда ишекләрен ача. Экспозициянең нигезен, басма, кулъязма һәм эпистоляр чыганаклар тәшкил итә. Биредә шулай ук галим язган китаплар, шәхси архивтан алынган фотосурәтләр саклана
