Бу көннәрдә башкалабыз Казанда «Җәлил укулары – 2022» бөтенроссия фәнни-гамәли конференция үтә.
Ул өч мәйданчыкта уза.
Җәлил образын театрда һәм кинода ничек аңлаталар? Рәхим Саттар үз шигырьләрендә нәрсә турында язган? Бу һәм башка темалар Җәлил укулары бөтенроссия фәнни-гамәли конференциянең әле кайберләре генә. Конференөиянең беренче көне түгәрәк өстәл форматында Шәриф Камалның мемориаль фатиры татар әдәбияты тарихы музеенда узды, һәм Бөек Ватан сугышында һәлак булган шагыйрь Рәхим Саттарның тууына 110 ел тулуга һәм Муса Җәлил Музей-фатирына нигез салуга 40 ел тулуга багышланды.
Конференция барган көннәрдә,шагыйрьләрнең кулъязма дәфтәрләре күргәзмәсе оештырыла, студентлар Җәлил һәм Саттар әсәрләрен дөнья халыклары телләрендә укый..Җәлил укуларының тантаналы ачылышы, бүген КФУның филология һәм мәдәниятара багланышлар институтында була. Катнашучыларга видео-элемтә буенча Мәскәүдә яшәүче Муса Җәлил кызы Чулпан Җәлилова мөрәҗәгать итәр дип көтелә. Шулай ук төрле өлкәләрдән килгән галимнәрнең чыгышлары да көн тәртибәндә . Ә инде Җәлил укуларының нәтиҗәсе буларак фәнни-тикшеренү эшләре тупланган җыентык чыгыу планлаштырыла.
