Лаеш районының Усад авылында күппрофильле лицей ачылды. Укытучыларга һәм укучыларга котлау сүзләре белән Татарстан Президенты Рөстәм Миңнеханов мөрәҗәгать итте. Лицейдагы җиһазларны, ГТО нормаларын тапшыру өчен ясалган корылмаларны югары бәяләде.
Усад авылында ачылган күппрофильле лицей «Сәламәт буын» дигән исем таләпләренә туры килә. Шатлыктан балалар биеп тә күрсәтте. Ә беренче сыйныф укучыларына «Мәктәпкә җыенырга ярдәм ит» акциясе кысаларында беренче букчалар тапшырылды.
Рөстәм Миңнеханов Татарстан Республикасы Президенты
Лицей диварлары инженерлык күзлегеннән караганда, заманча эшләнгән. Сыйныфлардагы интерактив такталар да үзенчәлекле. Физика, химия һәм биология кабинетларында тәҗрибәләрне интерактив режимда үткәрергә була. Тагын биредә компьютер уеннары уйнау мөмкинлеге дә бар.
Җиңел атлетика, футбол һәм баскетбол белән шөгыльләнү өчен дә мөмкинлекләр җитәрлек.
Лицей республикада ГТО нормаларына тест үткәрүдә беренче Үзәк булды. Моңа республика бюджетыннан 540 миллион сум акча бирелгән.
Фәнис Мөхәммәтов, Инна Данилова, Сергей Павлухин, Татарстан яңалыклары.
