Җәмәгать эшлеклесе, «Безнең мирас» журналының баш мөхәррире Ләбиб Лерон күптән түгел хаҗ сәфәреннән кайтты. Изге сәфәр ничек үткән? Тулырак Мөршидә Җиһан репортажында.
Хаҗ – Ислам дине нигезләренең берсе булган олуг бер гыйбадәт. Хаҗ сәфәренең дәвамы буларак Ләбиб Лерон Татмедиа бинасының ашханәсенә корбан ашы үткәрде.
Хаҗга булып кайткан кунаклырның берсе, шагыйрь Рифат Сәлах.
Корбан ашларын уздырганда гадәттә бер генә корьән укучы чакырыла. Ә биредә төрле төбәкләрдән килгән хәзрәтләр дә язучы, журналистлар, Татмедиа агентлыгы җитәкчелеге дә бер табын янында очрашты. Җәлил хәзрәт фикеренчә, мондый бергәлек бик күркәм гамәл.
Хәнәфи мәзһәбендә, корбан чалу ваҗиб, ягъни мәҗбүри үтәлергә тиешле гамәл. Теләгендә булган кеше аны ел дәвамында эшли ала.
Мәҗлес барышында Җәлил һәм Габбас хәзрәтнең ислам дине фазыйләтләренә багышланган вәгазьләре дә яңгырады. Мәҗлестә катнашкан башка кунаклар да сүз алды.
Бүгенге мәҗлестә Җәлил хәзрәтнең хәйрия ярдәме тәкъдиме дә хупланды.
Кунаклар изге сәфәрдән алып кайткан Зәм-зәм чишмәсе суыннан да авыз итте.
