2022 елдан Россия Пенсия Фонды элек социаль яклау органнары билгеләгән ярдәм чараларын күрсәтә башлады. Тулаем ил буенча аларны 2 миллионнан артык кеше ала, ә бер ел эчендә түләүләр күләме 120 миллиард сумга җитә. Түләүләрне кемнәр алырга хокуклы һәм аны ничек теркәргә? Бу хакта киләсе репортажда.
Буталышсыз тотрыклылык-Пенсия фонды нигез итеп алган юнәлеш шушы максатны күздә тота.1 февральдән ана капиталы фактик индексация буенча исәпләнә. Беренче бала туган өчен түләү 524 мең сумнан артык.
Ана капиталын торак шартларын яхшыртуга, балаларны укытуга, ананың тупланма пенсиясенә, 3 яшькә кадәрге балага ай саен бирелә торган түләүләргә, инвалид балаларны адаптацияләү һәм социальләштерү өчен товарлар сатып алуга тотарга мөмкин. Түләүләрнең зур төркемен хәрби һәм көч органнары хезмәткәрләренең гаиләләренә пособиеләр һәм компенсацияләр тәшкил итә.
Пенсияне дә яңача исәплиләр.
Туендыручысын югалту буенча түләүләр алучы 80 яшьлек пенсионерлар иминиятнең иң отышлы вариантын –картлык буенча яки туендыручысын югалту буенча сайлый ала. Әгәр дә пенсионер авыл өстәмәсе белән җирлектән читкә чыга икән-түләүләр барыбер дәвам итә.
Татарстанда пенсия фондына бирелгән чаралар буенча түләүләрне 15 гыйнвардан почта элемтәсе бүлекләре, 17 гыйнвардан кредит учреждениеләре аша ала башлады. Пенсия фондына күчү аларга хокукны автомат рәвештә рәсмиләштерә. Нинди дә булса түләүләргә гариза тапшырмаган кешеләр, моны Пенсия фондының территориаль клиентлар хезмәтендә эшли ала.
Елизавета Жукова, Ирек Хәмидуллин,Татарстан яңалыклары.
