Татарстанда Уорлдскилс һөнәри осталык чемпионатының төбәк этабы башланды.
Ярышлар 257 компетенция буенча 19 шәһәр һәм муниципаль районда, шул исәптән Казанда махсус җиһазландырылган мәйданчыкларда уза.Төбәк этабы нәтиҗәләре буенча Россия чемпионатында катнашу өчен Татарстан җыелма командасының киңәйтелгән составы формалаштырыла. Быел компетенцияләр исемлеге киңәйтелде. Яңалары арасында «Цифрлы электр приводы», «Оча торган робот техникасы», «Сити-фермерлык», «Комрессор җайланмалары машинисты», «Нефть һәм газ чыгару», «Сакчыл җитештерү», «Банк эше», «Дәвалау эшчәнлеге», «Модалы кием һәм аксессуарлар дизайны», «һава транспортында сервис», «Складлар белән идарә итү», «Балаларга һәм өлкәннәргә өстәмә белем бирү», «Моушн-дизайн», «Алмазлар эшкәртү» компетенцияләре бар.
