Кукмараның «Сугышчан кардәшлек» оешмасы янәдән хәрбиләр өчен авто-мунча ясау эшенә кереште. Бу алар тарафыннан җибәрелүче 8-че шундый машина. Мунча өчен транспорны һәм кирәкле төзелеш материалларын алырга Кукмарадагы шәси эшмәкәр ярдәм иткән.
Тышкы яктан бу гадәти машина кебек. Ләкин эчтән исә барысы да башка төрле. Бу районыбызның сугыш хәрәкәтләре ветераннары иҗтимагый хәрәкәте Кукмара сугышчан кардәшлеге оешмасы тарафыннан төзелүче сигезенче авто-мунча. Хәзерге вакытта аны ясау эшләре тулы көченә дәвам итә.
Авто-мунчаның төп үзенчәлеге шунда: аны кирәкле җиргә күчереп йөртеп булачак. Ягъни, ул төзек хәлдә. Юыну өчен биредә барлык кирәкле әйберләр дә бар.
Машина югалмасын өчен аны билгеле бер хәрбигә беркетәләр. Бу юлы тәгәрмәчле мунча Николай Петуховның улына яздырылачак, ул 2022 елның сентябреннән бирле махсус хәрби операция зонасында.
Бер мунча төзү оста эшче кулларыны гына таләп итми. Иң беренче чиратта төп рольне Финанслар уйный. Кукмарадагы шәхси эшмәкәр махсус хзрби операциянең башыннан ук гуманитар ярдәм күрсәтә. Бу юлы Фәнил Хурамшин машина һәм төзелеш материаллары сатып алган.
Авто-мунча бу юлы да буш китмиячәк. Аңа азык-төлек, су, медикаментлар һәм исемле посылкалар төяләчәк.
