Бүгенге көндә Кукмара районының күп кенә мәгариф оешмалары солдатларыбызга төрле гуманитар ярдәм җибәрәләр. Ядегәр авылының Г.Г.Гарифуллин исемендәге урта гомуми белем бирү мәктәбенең укучылары һәм укытучылары да бу изге эштән читтә калмаган. Бүген алар блиндаж шәмнәр ясыйлар, сохари киптерәләр һәм 3D принтерда автоматка патроннар заряжать итү өчен җайланмалар ясыйлар.
Соңгы вакытта мәгариф оешмалары махсус хәрби операция зонасына һәръяклап төрле гуманитар ярдәм күрсәтергә тырышалар. Мәктәпләрдә укучылар маскировка челтәрләре үрәләр, коробкаларга ашаулар тутыралар һәм солдатларга хатлар язалар. Ядегәр авылының урта гомуми белем бирү мәктәбендә 7 сыйныф укучылары бүгенге көндә блиндаж шәмнәр әзерләү белән мәшгуль. Аларның һәрберсе бу җиһазны ясау техникасы белән якыннан таныш.
Блиндаж шәмнәре өчен консерва банкаларын укучылар үзләре җыялар икән. Ә парафинны балалар татлы ярминкәләр вакытында , товар сатып эшләгән акчага сатып алалар. Блиндаж шәмнәреннән тыш, мәктәптә кызлар хэрбилэр өчен сохари да киптерәләр.
Мәктәп укучылары шулай ук автоматка патроннар заряжать итү өчен җайланмалар җитештерә башлаганнар. Алар аларны 3D принтер ярдәмендә ясыйлар. Ике деталь җитештерү өчен якынча җиде сәгать вакыт тәлап ителә икән кирәк. Укытучы бу идеяне интернет киңлекләреннән күреп алган.
Мәктәп укучылары һәм укытучылары хәрбиләр аша алгы сызыкка автомат өчен берничә шундый җайланманы инде тапшырырга өлгергәннәр. Рөстәм Хәйруллин билгеләп үткәнчә, укучылар һәрвакыт зур теләк белән ярдәм итәләр. Чөнки хәзер матди ярдәм күрсәтү генә түгел, ә солдатларның хзрби рухын ныгыту да аеруча мөһим.
Миләүшә Хаҗиева, Марат Сабирҗанов, Татарстан яңалыклары, Кукмара районы.
