Коронавирус инфекциясе белән авырган гражданнар 2021 елның 1 июленнән Татарстанның медицина оешмаларында мәҗбүри медицина иминияте полисы буенча бушлай тирәнтен диспансерлаштыру уза алалар. Аңа нинди тикшеренүләр керә һәм аларны кайчан, кайда, ни рәвешле узып була? Алдагы репортаж шул хакта.
Диана Калинина тирәнтен диспансерлаштыру турында телевизордан ишетеп белгән. Баксаң, яңа коронавирус инфекциясе белән авырган 18 яшьлек һәм аннан да өлкәнрәк гражданнар өстәмә тикшеренүләргә килә ала икән. Тик барысы да түгел. Тирәнтен диспансерлаштыруны үткәрү датасы да сырхауханә тарафыннан билгеләнә. Аны савыккач ике айдан соң узарга була, шуннан да иртәрәк түгел.Ә әлеге вирусны йоктырган, ике яки аннан да күбрәк йогышлы булмаган хроник авырулары булган гражданнар, шулай ук 60 яшьтән өлкәнрәкләр исә тирәнтен диспансерлаштыруга беренче чиратта килә ала.
Коронавирус белән авырганнан соң организмны торгызу бик авыр. Безнең хастаханәдә тирәнтер диспансерлаштыру узып булганын белдем һәм шунда ук килдем. Авырганнан соң үпкәләрем ни дәрәҗәдә савыкканын беләсем килде.
Тирәнтен диспансерлаштыру узуның максаты ковидтан соң булган өзлегүләрне, аларның үсеш куркынычын ачыклау һәм, тернәкләндерүне дә кертеп, гражданнарга кирәкле медицина ярдәмен үз вакытында күрсәтү. Аны узу өчен гражданга үзе беркетелгән сырхауханәгә мөрәҗәгать итү кирәк. Ул гадәти диспансерлаштырудан тикшеренүләрнең күпсанлы һәм тирәнтен булуы белән аерылып тора:
Хроник йогышлы булмаган авыруларның үсеш билгеләре ачыкланган очракта, шулай ук диагнозны ачыклау максатыннан, өстәмә тикшерүләр уздыру өчен граждан икенче этапка җибәрелә.
Тирәнтен диспансерлаштыру турында мәгълүматны халыкка сырхауханә үзе хәбәр итә ала, кеше үзе дә беркетелгән хастаханәгә регистратурага мөстәкыйль мөрәҗәгать итә ала. Мәгълүмат тарату белән иминиятләштерүче медицина оешмалары да шөгыльләнә: алар сезгә смс-хәбәр, электрон почта адресына хат юллый, яисә шалтырата ала.
Белгечләр тирәнтен диспансерлаштыру узуның коронавирус инфекциясен кичергән һәркем өчен мөһим икәнен искәртә. Гражданның тирәнтен диспансерлаштырудагы тикшеренүләрнең үтәргә тулы хокукы бар.
Айзилә Батырханова, Таһир Хәсәнов, татарстан яңалыклары
