Басу кырларда күзәтелгән вәзгыять игенчеләрне хафага сала. Бүген игеннәр Корткыч бөҗәкләдән зыян күрә. Аларның гадәттәгедән күбрәк булуын “Россия авыл хуҗалыгы үзәге” идарәсе хезмәткәрләре дә раслый. Иҗат төркемебез алар белән бергәлектә басу-кырларның торышын күздән кичерде.
«Россия авыл хуҗалыгы үзәге» нең Актаныш районы буенча бүлеге җитәкчесе Әфка Сәрвәров уҗымнарны махсус җайланма белән тикшереп карый. Бер- ике селтәнүгә аның эче корткычлар белән тула. Быел аларның гадәттәгедән күбрәк булуы хафага сала. Алдагы көнне генә эшкәртелгән актаныш агрофирмасының борчак басында хәлләр яхшы булса да, башка басуларның торышы борчылырга мәҗбүр итә.
«Вредная черепашка», «трипос», клоплар, икмәк коңгызлары , әлеге исемлекне шактый дәвам итәргә була. Без булган басулар да әлеге корткычларның һөҗүменә дучар булган. Вакытында эшкәртмәгәндә , игеннәрдән уңыш алып булмавы көн кебек ачык.
Агымдагы ел игенчеләр өчен сынау елы булды ди Әфка Сәрваров. Шуңа күрә игенчеләрдән зур тырышылык таләп ителә.
Авыл хуҗалыгы культураларының булачак уңышы хуҗалыкта чәчүлекләрне ничек тәрбияләүгә бәйле. Шуңа күрә дә корткыч бөҗәкләргә һәм чүп үләннәренә, авыруларга каршы гербицидлар белән эшкәртү эшләрен алып барганда гына, сынаулы ел уңышын тиешле дәрәҗәдә алып булачак.
Регина Салахова Марат Саррахов
