Чаллы шәһәре поликлиникаларында короновирустан прививка ясау дәвам итә. «Спутник V» һәм «ЭпиВАКкорона » вакциналарын кулланалар. Шулай ук «КовиВак» вакцинасының да кайтарылуы дә көтелә. Прививка ясату өчен алдан язылып кую оештырылган.
3 поликлиникага прививка ясатырга иртәнге сәгать сигездә үк киләләр.4 мең 500дән артык кеше әлеге процедураны узган. Кешеләргә кайсы төр вакцина белән прививка ясауны терапевтлар билгели. Заявка бирүчеләрнең гомуми сәламәтлеге торышын, тән температурасын үлчиләр. Әлегә кулланыла торган ике төрле вакцина да нәтиҗәле санала, аларны җиңел кичерәләр. Белгечләрнең әйтүләренчә, организмда иммунитет прививкадан соң 42 көн узгач формалаша. Чаллыда прививканы теләсә кайсы көнне ясатырга була, поликлиникалар ялларсыз эшли.
