Яхшы китаплар уку — үткән заманның бөек кешеләре белән сөйләшү өчен менә дигән мөмкинлек. Халкыбызның моң алиһәсе Әлфия Авзалованың тормыш юлы, иҗаты турында китап рус телендә дөнья күрде. Ул республикабызның Милли китапханәсендә тамашачыга тәкъдим ителде.
Әлеге китап Татарстан Республикасы Президенты каршындагы мәдәниятне үстерүгә ярдәм фонды, Мәдәният министрлыгы, Казан мэриясе, Салават Фәтхетдиновның җыр театры ярдәме белән нәшер ителә.
Әлфия Авзалова турында 2019 елда татарча китап чыкты. Узган ел инлиз теленә тәрҗемәсе басылды. Дөнья буйлап сибелгән халкыбыз хәзер аны рус телендә дә укый ала.
Китап өч бүлектән тора. Беренче өлештә Әлфия апа үзе турында үзе язган тетрәндергәч язмалары. Икенче бүлектә коллегаларының истәлекләре. Өченчесендә ул җырлаган 100 җыр тексты ноталары белән бирелә. Китапка җырлар яздырылган аудиодиск та беркетелгән.
Киләсе елга яраткан җырчыбызның 90 еллык юбилее. Әлфия апа бик гади кебек, шул ук вакытта катлаулы да. Аның иҗаты фәнни музыка белгечләре эле өйрәнергә тиешле хезмәт.
Алга таба китап вариантына нигезләнеп Әлфия Авзалова турында нәфис фильм төшерү планлаштырыла.
Китап сатуда юк, ул китапхәнәләргә, уку йортларына, музыка мәктәпләрнә таратыла. Интернет аша электрон вариантын уку мөмкинлеге бар.
***
Алмаз Хәмзин киңкырлы шәхес. Җырлый, бии, баянда уйный. Соңгы елларда ул язучылык эшенә җиң сызганып кереште. 75 яшен тутырган көннәрендә аның “Биш татар” китабы дөнья күрде. Әлеге басманы автор Казанның “китап-клаб” ресторанында укучы хозурына тәкъдим итте.
Авторның әлеге китабына “Биш татар” юмор – сатира төркеменең алыштыргысыз осталары-Равил Шәрәфиев, Рәшит Шамкай, Хәлим Җәләлов, Рәшит Сабиров турында алар тормышыннан алынган чынбарлык тасвирлана.
Күренекле шәхесләрнең яшәеше, дуслык, тугрылык хисләре белән бәян ителгән язмалар беркайчан актуальлеген югалтмас дип бүгенгә саубуллашам.
