Китап кешелек дөньясының үткәнен, бүгенгесен, киләчәген үз кысаларына сыйдыра. Безнең һәрберебез китап битләреннән үзенә теләктәш, төпле киңәш бирер¬дәй, ярдәм итәрдәй дус таба ала. Тапшыруыбызны Китап алдым кулыма сәхифәсе белән Ләлә Зәйнуллина дәвам итә.
Кеше кайда йөрсә, нинди үрләр яуласа да күңеле белән туган ягында. Нурлат районының Киекле авылында Татарстанның халык артисты, әйдәп баручы театр эшлеклесе Рөстәм Галиевның «Бу китап – күңел дәфтәре» мәдәни чарасы кысаларында «Чаклар» китабын тәкъдир итү кичәсе узды.
Аның әдәби иҗаты-үзе турында тормыш тасвирламасы, иҗади юлы һәм якын кешеләре хакында. Анда Киекле авылыннан башланган вакыйгалар чагылыш таба. Ул спектакльнең иҗади формалары, халык һәм эстрада сәнгате аша тамашачыларны үз китабы белән таныштыра.
Кичәдә сәнгать эшлеклеләре, Татарстан язучылары да катнашты.
Очрашуда танылган якташларының талантын хөрмәтләүчеләр дә, сыйныфташлары да, туганнары да бар. Район җитәкчелегеннән дә котлау сүзләре яңгырады.
Китап авторының киңкырлы иҗатын чагылдырып чара барышында Рөстәм Галиев уйнаган «Язгы аҗаган», «Бибинур» кинофильмнарыннан өзекләр тәкдим ителде. Рөстәм Галиев сәхнәләштергән спектакльләрдән өзекләрне Түбән Кама дәүләт драма театры труппасы күрсәтте.
***
«Татмедиа» бинасында урнашкан «Әдәби кафе»да Татарстанның атказанган мәдәният хезмәткәре, журналист Рахман Шәфигуллинның «Асылбикә күз яшьләре» китабы укучы хозурына тәкъдим ителде.
Китапта берничә повесть, хикәя, очерк урын алган. Китап авторы 40 ел журналистика өлкәсендә эшли. Ул көрәш буенча чемпион , хәрби кеше дә.
Әсәрдә татар халкының үткәне, борчулары, читкә сибелеп яшәүләре дә салынган.
Автор 15 яшендә Воркута шәһәренә китә. , төрмәләрдә утырырга туры килә аңа. Ул төрле милләт балалары белән аралашуы турында да сөйләде.
Бу күпне күргән, зирәк фикерләр туплаган, фәлсәфәсе булган китап. Автор йөрәге аша үткәннәрен шушы әсәргә салган икән, ул укучысын һичшиксез табар. Кулга тотып укырлык шундый басма кешенең гомер юлдашы, киңәшчесе булып калыр дип бүгенгә саубуллашам.
