Татарстан китап нәшриятында бер ел эчендә 200 исемдә китап чыга. Алар арасында төрле җанрлы һәм киң катлам укучыга юнәлдерелгән басмалар бар. Җанрларның күптөрлелегендә нәкъ менә фактларга нигезләнгән тарихи әдәбиятка ихтыяҗ зур.
Шушы көннәрдә Татьяна Вафинаның “Красивая” дип исемләнгән китабы дөнья күрде. Әлеге әдәби-нәфис китап киң катлам укучыга Ногай кунакханәсенең “Китап-клаб” ресторанында тәкъдим ителде.
Хәзер Самра Бикмиевага 101 яшь. Геройның балачагы «халык дошманы» исеме белән уза , аннан ачлык, сугыш, ирен һәм баласын югалту ачысын кичерә.
Татарстан Республикасы Президенты Рөстәм Миңнеханов бер ел элек Самра Сабировнаны йөз еллык юбилее белән котларга кунакка килә. Шулвакыт тышкы разведканың “Красивая” кушаматлы агенты Самра тормышының төп серен беренче булып Рөстәм Миңнехановка ача. Шул рәвешле әлеге китапны булдыру идеясе барлыкка килә.
Китап СССР эчке эшләр халык комиссариатының тышкы разведкасы разведчигы Самра Бикмеева язмышын ача. “Красивая” китабының нигезендә сугыш вакытында беренче Беларус фронтының медицина ротасында, соңрак башка фронтларда хезмәт итә. Үзенчәлекле басмада Самра Сабировна тормышының искиткеч героик вакыйгалары ята. Бөек Ватан сугышы чорында кече лейтенант Самра Бикмиева яралыларны коткара, хәрби госпитальдә хезмәт итә. Совет армиясенең алгы сызыгында булып, каты яраналучыларны сугыш кырыннан чыгара. 1945 нче елның язын Берлинда каршылый.
“Красивая” әдәби-нәфис басма. Геройның тормышы авыр булса да, китап җиңел укыйла. Ул сугыш шартларына җайлашу өчен төрле исемнәр йөртергә мәжбүр була. Самира, Светлана, Сонечка, Милена, Али медицина хезмәте лейтенанты дәрәҗәсенә кадәр күтәрелә. Аңа Венгрия һәм Румыниядә дә яшәргә туры килә.
Әләге басма бүгенге көнгә аеруча аваздаш булган патриотизм хисе белән сугарылган. Шуңа да ул үсеп килүче буын өчен аеруча файдалы.
***
Балалар өчен булган китаплар укучыларын төс-кыяфәте белән җәлеп итә. Китап нәшриятында Федераль дәүләт мәктәпкәчә белем бирү стандартнына нигезләнеп төзелгән “уйный-уйный өйрәнәм” укыту –методик комплект тәкъдим ителә. Җыентыкка балаларның яшь үзенчәлекләре белән эшләү шөгыльләре тупланды.
Әлеге басма баланың ижади үсешенә уңай тәэсир итә, дөрес юнәлеш бирә. Иң мөһиме бу дәреслекләр балага иҗади яктан ачылырга мөмкинлек бирер дип бүгенгә саубуллашам.
