Казанда алтынчы тапкыр «Киләчәк ориентирлары» дигән форум уза. Форумның быелгы темасы — киләчәк туризмы һәм хәзерге вакытта индустриянең үсеше.
Чакырылган белгечләр трендлар һәм үсеш алган юнәлешләр белән таныштыра. Сәяхәтчеләрдә экологик урыннарга бару ихтыяҗы зур. Төп игътибар урта һәм кече бизнесны дәүләт туристик проектлары системасына кертүгә юнәлдерелә. Шулай итеп, туклану өлкәсе хәзер аерым өлкәгә әверелә. Милли аш-су рестораннары туристларны үзләренә җәлеп итәргә тиеш. Форум 5-7 декабрьдә уза. Анда Россиянең 30дан артык төбәгеннән 1000гә якын катнашучы көтелә.
