КФУ да Халыкара фәнни-гамәли көнференция уза.19 февральдә Казан федераль университетының Филология һәм мәдәниятара багланышлар институтында “Төрки лингво-культурология: проблемалар һәм перспективалар» дигән уникенче Халыкара фәнни-гамәли конференция узачак. Ул Халыкара туган телләр көненә багышлана, беренче тапкыр онлайн-офлайн форматта үткәрелә.
Узган елларда конференция эшендә Татарстан, Башкортстан, Чувашия һәм Мәскәү өлкәсеннән һәм чит илләрдән студентлар катнашкан иде. Конференциядә төрки телләр, телнең җәмгыять һәм мәдәният белән үзара бәйләнеше, Идел буе халыкларының тел һәм мәдәнияте тарихы, телләрне һәм мәдәниятләрне чагыштырып өйрәнү кебек темалар каралачак.
